ట్రెండింగ్
లోయలోకి దూసుకెళ్లిన క్యాబ్... 8 మంది దుర్మరణం
national | Suryaa Desk | Published : Wed, Nov 16, 2022, 11:39 PM
జమ్మూ కశ్మీర్ లో ఘోర రోడ్డు ప్రమాదం జరిగింది. ఓ క్యాబ్ లోయలోకి దూసుకెళ్లిన ఘటనలో 8 మంది దుర్మరణం పాలయ్యారు. కిష్ట్వార్ జిల్లాలో మర్వా ప్రాంతం వద్ద ఈ దుర్ఘటన జరిగింది. అతి వేగంగా వెళుతున్న క్యాబ్ అదుపు తప్పడంతో ఈ ప్రమాదం జరిగింది. కారులో ఉన్న ఎనిమిది మంది మృత్యువాతపడ్డారు. పోలీసులు స్థానికుల సాయంతో మృతదేహాలను లోయ నుంచి వెలికి తీశారు. ప్రమాదానికి గురైన వాహనం ఓ టాటా సుమో. ప్రమాదానికి గురైన ప్రాంతం అత్యధిక భాగం పర్వతమయం. మృతుల్లో ఏడుగురు మర్వా ప్రాంతానికి చెందినవారని పోలీసులు గుర్తించారు. ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు.
|
|