2, 3వ తేదీల్లో కడపకు జగన్
Andhra Pradesh Telugu | Suryaa Desk | Published : Wed, Nov 30, 2022, 08:56 PM
ముఖ్యమంత్రి వైయ‌స్ జగన్ మోహ‌న్ రెడ్డి డిసెంబర్ 2, 3వ తేదీల్లో వైయ‌స్ఆర్ జిల్లాలో ప‌ర్య‌టించ‌నున్నారు. ఈ మేర‌కు షెడ్యూల్ ఖ‌రారు అయింది. డిసెంబర్ 2 న ఉదయం 10 గంటలకు తాడేపల్లి నివాసం నుంచి బయలుదేరి 11.50 గంటలకు లింగాల మండలంలోని పార్నపల్లి వద్ద సీబీఆర్‌ రిజర్వాయర్‌ వద్దకు చేరుకుంటారు. 12.00 – 12.30 వరకు బోటింగ్‌ జెట్టీని ప్రారంభిస్తారు. అనంతరం 12.40 గంటలకు డాక్టర్‌ వైయస్సార్‌ లేక్‌ వ్యూ పాయింట్‌కు చేరుకుని వైయస్సార్‌ లేక్‌ వ్యూ రెస్టారెంట్‌ను ప్రారంభిస్తారు. ఆ తర్వాత 1.30 – 4.30 గంటల వరకు ప్రజల నుంచి వినతులు స్వీకరిస్తారు. అనంతరం అక్కడి నుంచి బయలుదేరి ఇడుపులపాయలోని గెస్ట్‌హౌస్‌ చేరుకుని రాత్రికి అక్కడ బస చేస్తారు. డిసెంబర్ 3 న ఉదయం 8.30 గంటలకు ఇడుపులపాయ వైయస్సార్‌ ఎస్టేట్‌ నుంచి బయలుదేరి 8.55 గంటలకు పులివెందుల భాకరాపురం చేరుకుంటారు. 9.15 – 9.30 కదిరి రోడ్డులోని ఎస్‌సీఎస్‌ఆర్‌ గార్డెన్స్‌కు చేరుకుని సీఎం వ్యక్తిగత సహాయకుడు (పీఏ) డి.రవిశేఖర్‌ కుమార్తె వివాహ వేడుకలకు హాజరై వధూవరులను ఆశీర్వదిస్తారు. 9.45 గంటలకు అక్కడి నుంచి బయలుదేరి 11.30 గంటలకు తాడేపల్లి నివాసానికి చేరుకుంటారు.
|
|