ప్రమాదవశాత్తు వాలంటీర్ మృతి
Andhra Pradesh Telugu | Suryaa Desk | Published : Tue, Dec 13, 2022, 01:08 PM
ఐషర్‌ వాహనాన్ని బైక్‌ ఢీకొనడంతో గ్రామ వలంటీరు మృతి చెందగా, ఆయన భార్యకు తీవ్ర గాయాలయ్యాయి. వివరాల్లోకి వెళ్ళితే.... కడప జిల్లా, రామాపురం మండలం నల్లగుట్టపల్లె పంచాయతీ కొత్తపల్లెకు చెందిన సూరం శివారెడ్డి గ్రామ వలంటీరుగా పని చేస్తున్నాడు. ఆయన సతీమణి హర్షిత రాయచోటి శ్రీసాయి ఇంజనీ రింగ్‌ కాలేజీలో మొదటి సంవత్సరం ఇంజనీరింగ్‌ చదువుతోంది. ఆమెను కళాశాలలో వదిలి పెట్టేందుకు బైక్‌పై వెళుతూ చింతలవాండ్లపల్లె క్రాస్‌ రోడ్డు వద్ద ముందు వెళుతున్న ఐషర్‌ వాహనాన్ని ఢీకొన్నాడు. ఈ ప్రమాదంలో శివారెడ్డి అక్కడికక్కడే మృతి చెందగా, ఆయన సతీమణి హర్షితకు తీవ్ర గాయాలయ్యాయి. అదే మార్గంలో వెళుతున్న ఎమ్మెల్యే శ్రీకాంత్‌రెడ్డి హర్షిత ను పరామర్శించడంతోపాటు, హర్షితను తన వాహనం లో రాయచోటి ప్రభుత్వ ఆసుపత్రికి తరలించారు. మృత దేహాన్ని పోస్టుమార్టంకు తరలించి కేసు నమోదు చేసినట్లు ఎస్‌ఐ కొండారెడ్డి తెలిపారు.
|
|