వాజ్పేయి దేశానికి వన్నె తెచ్చారు

మాజీ ప్రధాని అటల్ బిహారి వాజ్పేయి జయంతి సందర్భంగా ఆదివారం కొండేపి నియోజకవర్గం జరుగుమల్లి మండలం ఎస్టి కాలనీలో జరుగుమల్లి మండల భాజప అధ్యక్షుని ఆధ్వర్యంలో అటల్ బిహారి వాజ్పేయి జన్మదిన వేడుకలు ఘనంగా నిర్వహించారు.ఈ సందర్భంగా ముఖ్యఅతిథిగా భాజప జిల్లా ప్రధాన కార్యదర్శి పార్టీ నుండి కొండేపి అసెంబ్లీ ఇన్చార్జి అయినటువంటి వైవి గౌతమ్ అశోక్ పాల్గొన్నారు.

ఈ సందర్భంగా గౌతమ్ అశోక్ మాట్లాడుతూ వాజ్పేయి దేశానికి చేసిన సేవలను కొనియాడారు. కొండేపి నియోజకవర్గ ఇన్చార్జి మీడసల బాలకోటయ్య మాట్లాడుతూ వాజ్పేయి భారతదేశాన్ని చేసినటువంటి త్యాగము మరువలేనిది, పరోపకారం సాటి లేని వ్యక్తి జాతిని మేల్కొల్పినటువంటి మహనీయులు వారి గొప్పతనాన్ని ఉదాహరణకు విశాలమైన ఎక్స్ప్రెస్ రోడ్లు ఎస్సీ ఎస్టీ మత్స్యకారులకు బీసీలకు ఎనలేని మర్యాదలు డాక్టర్ బి. ఆర్ అంబేద్కర్ కి ఆయన ఇచ్చినటువంటి విలువ సంస్కారం భారత ప్రజలు ఎన్నింటికి మరువలేనిదని కొనియాడినారు. అలాగే ఎస్సీ మోర్చా రాష్ట్ర కార్యవర్గ సభ్యులు అల్లరి రామయ్య గ్రామస్తుల ఉద్దేశించి మాట్లాడుతూ మీరు భారతీయ జనతా పార్టీని ఆశీర్వదించాలని భారతీయ జనతా పార్టీలో ఎందరో మహానుభావులు కుటుంబాలను కూడా విస్మరించి దేశ రక్షణ కోసం దేశ అభివృద్ధి కోసం దృఢ సంకల్పంతో దేశ రక్షణకు ఎనలేని కృషి చేశారని కొనియాడారు. కాబట్టి భారతీయ జనతా పార్టీని ఆశీర్వదించవలసినదిగా ఆయన గ్రామస్తుల ఉద్దేశించి మాట్లాడారు.

ఈ కార్యక్రమంలో మండల అధ్యక్షులు బక్క ముంతల నాగేశ్వరావు, మండల ఉపాధ్యక్షులు బత్తిన వెంకటరావు, ఎస్సీ మోర్చా అధ్యక్షులు అక్కదాసు వెంకటేశ్వర్లు, ఎస్టీ మోర్చా అధ్యక్షులు చలంచర్ల రామస్వామి తదితర నాయకులు కార్యకర్తలు మహిళలు పాల్గొని ఆయనకి చిత్రపటానికి పూలమాలలు వేసి అందరూ నమస్కారాలు తెలియజేసుకొని నివాళులర్పించి ఎస్టీ కాలనీలో ఎస్సీ కాలనీలో పండ్లు పంచటం జరిగినది.