ట్రెండింగ్
రోడ్ ప్రమాదంలో ఒకరు మృతి
Andhra Pradesh Telugu | Suryaa Desk | Published : Fri, Dec 30, 2022, 10:50 AM
ఆమదాలవలస పురపాలక సంఘం 18వ వార్డు బొడ్డేపల్లిపేట దాబా సమీపంలో గురువారం జరిగిన రోడ్డు ప్రమాదంలో మండలంలోని కొర్లకోట గ్రామానికి చెందిన గురుగుబెల్లి చక్రధర్‌(42) అలియాస్‌ శేఖర్‌ మృతి చెందా డు. పోలీసుల వివరాల మేరకు.. బైక్‌ సర్వీసు కోసం గురువారం ఉదయం చక్రధర్‌ ఆమదాలవలస వచ్చాడు. బైక్‌ బాగు చేయించుకొని పది గంటల సమయంలో ఇంటికి వెళ్తుండగా.. బొడ్డేపల్లిపేట దాబా సమీపంలో చీమలవలస గ్రామానికి చెందిన పైడి బాలకృష్ణ ద్విచక్ర వాహనంపై ఆమదాలవలస వస్తుండగా ఎదురెదురుగా ఢీకొన్నారు. ఈ ఘటనలో చక్రధర్‌ అక్కడికక్కడే మృతి చెందాడు. చక్రధర్‌ ఓ ప్రైవేట్‌ కంపెనీలో పని చేస్తున్నాడు. భార్య పద్మావతి, కుమారులు కార్తీక్‌, మనోజ్‌కుమార్‌ ఉన్నారు. భార్య ఫిర్యాదు మేరకు ఎస్‌ఐ పి.రఘునాథరావు కేసు నమోదు చేసి దర్యాప్తు చేస్తున్నారు.
|
|