ట్రెండింగ్
రోడ్డు నిర్మించాలని సిపిఐ సంతకాల సేకరణ
Andhra Pradesh Telugu | Suryaa Desk | Published : Thu, Jan 05, 2023, 07:05 PM
కడప నగరంలోని 48వ డివిజన్ పరిధిలో గల పరమేశ్వర స్కూల్ వద్ద నుండి హోమియోపతి కాలేజ్ వరకు వెళ్లే రోడ్డు అధ్వాన్నంగా ఉందని, తక్షణం కొత్త రోడ్డు నిర్మించాలని సిపిఐ నగర కార్యదర్శి ఎన్. వెంకట శివ డిమాండ్ చేశారు. గురువారం సిపిఐ నేతృత్వంలో స్థానికులు, హోమియోపతి విద్యార్థులు బ్యానర్ పై సంతకాలు చేసి నిరసన వ్యక్తం చేశారు. రోడ్డు సమస్యను తక్షణం పరిష్కరించాలని నినాదాలు చేశారు. సిపిఐ జిల్లా కార్యవర్గ సభ్యులు పి. కృష్ణమూర్తి, సిపిఐ తాలుకా జోన్ సహాయ కార్యదర్శి కె. మునెయ్య, సిపిఐ నగర కార్యవర్గ సభ్యులు పి. మల్లికార్జున, వి. భాగ్యలక్ష్మి, 48 వ డివిజన్ సిపిఐ నాయకులు నాగరాజు, లక్ష్మీనారాయణ, బాబావల్లి, రామాంజనేయులు, టి. భాష, శివాచారి, ఓబులేసు, స్థానికులు హోమియోపతి కాలేజీ విద్యార్థులు తదితరులు పాల్గొన్నారు.
|
|