సోషల్ మీడియా లో "సైకో జగన్" పదం కి మూడో స్తానం
Andhra Pradesh Telugu | Suryaa Desk | Published : Thu, Jan 12, 2023, 03:03 PM
తెలుగుదేశం పార్టీ ట్విటర్లో ‘సైకో జగన్’ పేరుతో నడిపిన ప్రచార సమరం జాతీయ స్థాయిలో మూడో స్థానంలో నిలిచింది. 18 వేలమందికి పైగా నెటిజన్లు స్పందించడంతో ఈ అంశం బుధవారం జాతీయ స్థాయిలో ప్రముఖ అంశంగా నిలిచింది. పలుచోట్ల టీడీపీ నేతలు, కార్యకర్తలపై జరుగుతున్న దాడులు, హత్యలు, విధ్వంసాలు, సామాన్యులపై దౌర్జన్యం వంటి అంశాలతో ఆ పార్టీకి చెందిన ఐ టీడీపీ విభాగం ప్రచార సమరానికి శ్రీకారం చుట్టింది. సైకో జగన్ అని హ్యాష్ టాగ్ పెట్టారు. ‘సైకో పాలన పోవాలి.. సైకిల్ పాలన రావాలి’ అన్న నినాదంతో దీనిని నిర్వహించారు. టీడీపీ పిలుపుతో పెద్ద సంఖ్యలో ఆ పార్టీ సానుభూతిపరులు దాడులు, విధ్వంసాలకు సంబంధించిన అంశాలతో పోస్టులు పెట్టి మద్దతు పలికారు. జగన్ పాలనా తీరు ఎలా ఉందో దేశవ్యాప్తంగా ప్రచారమైందని టీడీపీ వర్గాలు పేర్కొన్నాయి. సైకో పాలన వల్ల ఇబ్బంది పడుతున్న యువత, విద్యార్థులు, నిరుద్యోగులు, ఉద్యోగులు, కార్మికులు వంటివారు స్పందించారని తెలిపాయి.
|
|