నారా వారిపల్లెకు చేరుకొన్న నందమూరి కుటుంబం
Andhra Pradesh Telugu | Suryaa Desk | Published : Sat, Jan 14, 2023, 12:09 AM
సంక్రాంతి పండగను కుటుంబసభ్యులతో స్వగ్రామంలో చేసుకునేందుకు ప్రతిపక్ష నేత చంద్రబాబు తిరుపతి జిల్లా నారావారిపల్లెకు చేరుకున్నారు. అటు నందమూరి కుటుంబం కూడా నారావారిపల్లెకు చేరుకుంది. శుక్రవారం మధ్యాహ్నం రేణిగుంట ఎయిర్‌పోర్ట్‌కు వచ్చిన బాలయ్య, ఆయన కుమారుడు మోక్షజ్ఞకు అభిమానులు, టీడీపీ నాయకులు ఘన స్వాగతం పలికారు. బాలకృష్ణకు పూలమాల వేసి, శాలువా కప్పి సత్కరించారు. ఇటు మోక్షజ్ఞ ను చూడటానికి ఫ్యాన్స్ ఎగబడ్డారు.
చంద్రబాబుతోపాటు లోకేశ్‌ గురువారం రాత్రి నారావారిపల్లెకు చేరుకున్నారు. గురువారం మధ్యాహ్నమే చంద్రబాబు సతీమణి భువనేశ్వరి, కోడలు బ్రాహ్మణి, మనువడు దేవాన్ష్‌ నారావారిపల్లెకు చేరుకున్నారు. చంద్రబాబు వెంట మాజీ మంత్రి అమరనాథ్‌రెడ్డి, పులివర్తి నాని, శ్రీధర్‌వర్మ, మాజీ ఎమ్మెల్యే సుగుణమ్మ, తిరుపతి పార్లమెంటు నియోజకవర్గ టీడీపీ అధ్యక్షుడు నరసింహయాదవ్‌ తదితరులు ఉన్నారు. కుప్పంనుంచి నారా లోకేశ్‌ పాదయాత్ర చేయనున్నందున.. రేణిగుంట విమానాశ్రయానికి వచ్చిన ఆయనకు తెలుగు యువత నేతలు యువగళం పోస్టర్లతో వినూత్న స్వాగతం పలికారు.
|
|