ట్రెండింగ్
తారకరత్న ఆరోగ్య పరిస్థితిపై బాలకృష్ణ కీలక అప్డేట్
Andhra Pradesh Telugu | Suryaa Desk | Published : Sun, Jan 29, 2023, 08:57 PM
సినీ నటుడు నందమూరి తారకరత్న ఆరోగ్య పరిస్థితిపై సీనియర్ హీరో, ఎమ్మెల్యే బాలకృష్ణ కీలక అప్డేట్ ఇచ్చారు. తారకరత్న ఆరోగ్యం నిలకడకానే ఉందని తెలిపారు. ఆయన ఆరోగ్యం క్షీణించలేదని బాలయ్య చెప్పారు. ఆయన ఆరోగ్య పరిస్థితి మెరుగుపడి.. మళ్లీ మాములు మనిషిగా తిరిగి రావాలని కోరుకుంటున్నామన్నారు. తారకరత్న శరీరంలోని అన్ని భాగాలు బాగా పనిచేస్తున్నాయని చెప్పారు బాలయ్య. ఇంటర్నల్ బ్లీడింగ్ వల్ల స్టంట్ వేయడానికి కుదరలేదని.. స్టంట్ వేస్తే మళ్లీ స్ట్రోక్ వచ్చే ప్రమాదం ఉందని వైద్యులు చెప్పారన్నారు. డాక్టర్లు చాలా జాగ్రత్తగా తారకరత్నకు వైద్యం అందిస్తున్నారని బాలయ్య మీడియాకు తెలిపారు. బాలయ్య ఇచ్చిన అప్డేట్స్తో నందమూరి, నారా అభిమానులు, టీడీపీ కార్యకర్తల్లో కాస్త ఆందోళన తగ్గిందని చెప్పుకోవచ్చు.
|
|