చోరీకి గురైన కారు... నిమిషాల వ్యవధిలో గుర్తించిన యజమానులు
international | Suryaa Desk | Published : Sun, Feb 12, 2023, 04:58 PM
చోరికి గురైన తమ కారు ఎక్కడ ఉందో అమెరికాకు చెందిన ఓ జంట నిమిషాల వ్యవధిలో గుర్తించేసింది. తాము నిమిషాల వ్యవధిలో కారు లొకేషన్ ను గుర్తించి, సమాచారం ఇవ్వడంతో పోలీసులు అక్కడికి వెళ్లి దొంగలను అరెస్టు చేశారని ఆ జంట వెల్లడించింది. అదిలా సాధ్యమైంది ఆ జంట వివరించింది. .యాపిల్ ఎయిర్ ట్యాగ్ సాయంతో పోయిందనుకున్న కారును తిరిగి దక్కించుకున్నామని చెప్పారు.
నార్త్ కరోలినా రాష్ట్రంలోని క్యారీ టౌన్ కు చెందిన లెస్లీ మహమ్మద్ కారును ఇటీవల దొంగలు ఎత్తుకెళ్లారు. రాత్రి ఇంటిముందు పార్క్ చేసిన కారును ముగ్గురు దుండగులు తీసుకెళ్లారు. అప్పుడు మంచి నిద్రలో ఉన్న మహమ్మద్ ను యాపిల్ ఎయిర్ ట్యాగ్ అలర్ట్ చేసింది. నిద్రలోంచి లేచి చూడగా.. కారు ప్రయాణిస్తున్నట్లు మ్యాప్ చూపించింది.
పార్క్ చేసిన కారు ప్రయాణించడమేంటని బయటికొచ్చి చూడగా.. ఇంటిముందు కారు కనిపించలేదు. దీంతో పోలీసులకు ఫోన్ చేసి కారు చోరీ జరిగిందంటూ మహమ్మద్ ఫిర్యాదు చేశాడు. ఆపై కారులో అమర్చిన ఎయిర్ ట్యాగ్ సాయంతో కారు లొకేషన్ ను గుర్తించి, ఆ వివరాలను పోలీసులకు అందజేశాడు. దీంతో నిమిషాల వ్యవధిలోనే కారు ఉన్న చోటుకు వెళ్లిన పోలీసులు.. ముగ్గురు అనుమానితులను అదుపులోకి తీసుకున్నారు.
|
|