కోటప్పకొండ లో యువనేత డాక్టర్ కోడెల శివరాం ప్రత్యేక పూజలు

కష్టాలు తీర్చి కోరిన కోరికలు నెరవేర్చే కోటప్పకొండ త్రికోటేశ్వర స్వామికి రాష్ట్రాన్ని ఆదుకోవాలని మనస్ఫూర్తిగా కోరుకున్నానని సత్తెనపల్లి తెలుగుదేశం పార్టీ నియోజకవర్గ నాయకులు, యువనేత డాక్టర్ కోడెల శివరాం అన్నారు. శివరాత్రి ఉత్సవాల సందర్భంగా గురువారం నరసరావుపేట నియోజకవర్గంలోని కోటప్పకొండ త్రికోటేశ్వర స్వామి ఆలయాన్ని సత్తెనపల్లి తెలుగుదేశం పార్టీ నియోజకవర్గ నాయకులు, యువనేత డాక్టర్ కోడెల శివరాం సందర్శించి ఆలయంలో ప్రత్యేక పూజల్లో పాల్గొన్నారు. ఈ సందర్భంగా సత్తెనపల్లి తెలుగుదేశం పార్టీ నియోజకవర్గ నాయకులు, యువనేత డాక్టర్ కోడెల శివరాం మాట్లాడుతూ నాడు తన తండ్రి స్వర్గీయ డాక్టర్ కోడెల శివప్రసాదరావు శాసనసభ్యునిగా, శాసనసభాపతిగా పనిచేసిన సమయంలో కోటప్పకొండ శివరాత్రి ఉత్సవాలంటే అంబరాన్ని అంటే విధంగా జరిగేవని గుర్తు చేశారు. అదేవిధంగా ఆలయానికి వచ్చే పర్యాటకుల కోసం కొండ పండుగ పేరుతో వివిధ సాంస్కృతిక కార్యక్రమాలు ఏర్పాటు చేసి దేవాలయానికి వచ్చే భక్తుల కోసం ఎంతో ఆహ్లాద వాతావరణం ఉండేది అన్నారు. ప్రస్తుత పాలకులు మాత్రం ఆలయ అభివృద్ధిని పూర్తిస్థాయిలో మర్చిపోయారన్నారు. రాష్ట్రంలో జరుగుతున్న సైకో పాలన త్వరగా ముగిసిపోయి అభివృద్ధి ప్రదాత అయిన చంద్రన్న పాలన రావాలని ఆ కోటయ్య స్వామిని మొక్కుకున్నట్లు యువ నేత డాక్టర్ కోడెల శివరాం తెలిపారు. రాబోయే శివరాత్రి ప్రతి ఒక్కరి ఇంట సుఖ సంతోషాలతో, పాడిపంటలతో ఉండాలని మనస్ఫూర్తిగా కోరుకుంటూ యువ నేత డాక్టర్ కోడెల శివరాం జిల్లా ప్రజలకు శివరాత్రి శుభాకాంక్షలు తెలిపారు. కార్యక్రమంలో కోడెల వెంట తెలుగుదేశం పార్టీ నాయకులు, కార్యకర్తలు పాల్గొన్నారు.