ట్రెండింగ్
ఎస్పీ అన్ని విషయాలు దాచిపెడుతున్నారు: వర్ల రామయ్య
Andhra Pradesh Telugu | Suryaa Desk | Published : Sat, Feb 25, 2023, 11:45 PM
పోస్టింగ్ ఇవ్వరన్న భయంతోనే ఎస్పీ అన్ని విషయాలు దాచిపెడుతున్నారని గన్నవరం ఘటనపై స్పందిస్తూ టీడీపీ పొలిట్ బ్యూరో సభ్యుడు వర్ల రామయ్య విమర్శలు గుప్పించారు. శనివారంనాడు ఆయన గన్నవరం వచ్చారు. ఇటీవల దాడికి గురైన టీడీపీ కార్యాలయాన్ని పరిశీలించారు. గన్నవరంలో టీడీపీ ఆఫీసుపై ప్రభుత్వమే ఉద్దేశపూర్వకంగా దాడి చేయించిందని వర్ల రామయ్య ఆరోపించారు. దాడి చేస్తారని ఎస్పీ, ఇతర పోలీసు అధికారులకు ముందే తెలుసని అన్నారు. పోస్టింగ్ ఇవ్వరన్న భయంతోనే ఎస్పీ అన్ని విషయాలు దాచిపెడుతున్నారని పేర్కొన్నారు. ఎవరెన్ని ఎత్తులు వేసినా వచ్చే ఎన్నికల్లో టీడీపీ విజయాన్ని ఆపలేరని స్పష్టం చేశారు. అధికారంలోకి వచ్చినప్పటి నుంచి అరాచకాలు, అవినీతితోనే వైసీపీ పాలన సాగుతోందని వర్ల రామయ్య విమర్శించారు.
|
|