ట్రెండింగ్
అంతర్జాతీయ మ్యాగజైన్ ఆర్కిటెక్చరల్ డైజెస్ట్ ప్రపంచంలో భవిష్యత్తు నగరాలలో నిలిచిన అమరావతి
Andhra Pradesh Telugu | Suryaa Desk | Published : Wed, Mar 01, 2023, 02:43 PM
అన్ని వసతులూ కలిగిన ఆధునిక నగరంగా అమరావతి భవిష్యత్తులో దేశానికి గర్వ కారణంగా నిలుస్తుందని తెలుగుదేశం పార్టీ అధినేత చంద్రబాబు నాయుడు పేర్కొన్నారు. అంతర్జాతీయ మ్యాగజైన్ ఆర్కిటెక్చరల్ డైజెస్ట్ ప్రపంచంలో భవిష్యత్తు నగరాలుగా పేర్కొంటూ ఆరు నగరాలపై ఒక ప్రత్యేక కథనం వెలువరించింది. ఆర్కిటెక్చర్ కోణంలో ఆ నగరాల నమూనాలను భవిష్యత్తు నగరాలుగా కథనంలో పేర్కొంది. అందులో అమరావతి కూడా ఉంది. దీనిపై మంగళవారం ఒక ట్వీట్ చేసిన చంద్రబాబు ఈ మ్యాగజైన్ కథనాన్ని ఉదహరించారు. ‘ప్రపంచ పటంలో మన దేశానికి గర్వకారణంగా అమరావతి నిలవడం ఖాయం. దాని రూపకల్పనే ఆ దిశగా జరిగింది. ప్రతిష్టాత్మక మ్యాగజైన్ అయిన ఆర్కిటెక్చర్ డైజెస్ట్ కూడా అదే పేర్కొంది’ అని ఆయన తన ట్వీట్లో పేర్కొన్నారు.
|
|