సినిమాల్లో అవకాశం కల్పిస్తానని, యువతిని రూమ్ కి తీసుకెళ్లిన యువకుడు
Andhra Pradesh Telugu | Suryaa Desk | Published : Thu, Mar 02, 2023, 03:27 PM
బాలికకు మాయమాటలు చెప్పి సినిమాల్లో అవకాశం కల్పిస్తానని ఆడిషన్స్‌కు పిలిచి లాడ్జిలో ఆమె అత్యాచారానికి యత్నించాడో యువకుడు. బాలిక తల్లి ఈ ఘటనపై మంగళవారం విజయవాడ , గవర్నర్‌పేట పోలీసులకు ఫిర్యాదు చేసింది. పోలీసులు కేసు నమోదు చేసి యువకుడిని అరెస్టు చేసి, బుధవారం రిమాండ్‌కు తరలించారు. పోలీసులు తెలిపిన వివరాల ప్రకారం.. కొత్త రాజరాజేశ్వరిపేటకు చెందిన కైరంకొండ సాయితేజ(26) బీసెంట్‌ రోడ్డులోని ఓ వస్త్రదుకాణంలో పని చేస్తున్నాడు. ఇన్‌స్టాగ్రామ్‌లో పూర్ణానందంపేటకు చెందిన బాలిక(17)ను పరిచయం చేసుకున్నాడు. బాలికకు సినిమా మోజు ఉందని గ్రహించి, తాను సినిమాలు నిర్మిస్తానని, అందులో అవకాశం కల్పిస్తానని సాయితేజ నమ్మించాడు. సోమవారం ఆడిషన్‌ కోసమంటూ హనుమాన్‌పేటలోని ఒక లాడ్జికి పిలిపించాడు. లాడ్జి రూములో బాలికపై అత్యాచారానికి యత్నించాడు. బాలిక తల్లి గవర్నరుపేట పోలీ సులకు ఈ ఘటనపై ఫిర్యాదు చేయగా.. పోలీసులు కేసు నమోదు చేసి అరెస్టు చేసి, కోర్టులో హాజరుపరిచి రిమాండ్‌కు తరలించారు.
|
|