ట్రెండింగ్
భార్యను హత్య చేసిన వ్యక్తిని రిమాండ్ కు తరలింపు
Andhra Pradesh Telugu | Suryaa Desk | Published : Fri, Mar 03, 2023, 11:34 AM
ప్రకాశం జిల్లా బెస్తవారిపేట మండలం పందిళ్ళపల్లి ఎస్సీ పాలెం కు చెందిన తోటకూరి బుజ్జిని ఆమె భర్త బసవరాజు ఫిబ్రవరి 28వ తేదీన అనుమానంతో హత్య చేశాడు. వ్యక్తిగత పనులపై బయటకు వెళ్లి వద్దామని భార్యకు చెప్పి కడప జిల్లా పోరుమామిళ్ల మండలం అక్కల్ రెడ్డి పల్లి గ్రామ వద్దకు తీసుకెళ్లి భార్య తోటకూర బుజ్జిని బసవరాజు హత్య చేశాడు. తర్వాత రోడ్డు ప్రమాదంలో భార్య మృతి చెందిందని నమ్మించే ప్రయత్నం చేశాడు.
మృతురాలి కుటుంబ సభ్యులు బంధువులు ఆమె ఒంటిపై బలమైన గాయాలు ఉండడానికి గమనించి పోలీసులకు ఫిర్యాదు చేశారు. దీంతో కేసు నమోదు చేసుకున్న పోలీసులు సిఐ రాజేష్ కుమార్ ఆధ్వర్యంలో దర్యాప్తు చేశారు. భర్త బసవరాజు భార్యపై అనుమానంతో హత్య చేసినట్లుగా సీఐ రాజేష్ కుమార్ నిర్ధారించారు. నిందితుడిపై కేసు నమోదు చేసి గురువారం నిందితుడిని రిమాండ్ కు తరలించామని సిఐ రాజేష్ కుమార్ తెలిపారు.
|
|