ట్రెండింగ్
ఎమ్మెల్యే ఆధ్వర్యంలో విస్తృతంగా ఎమ్మెల్సీ ఎన్నికల ప్రచారం
Andhra Pradesh Telugu | Suryaa Desk | Published : Fri, Mar 10, 2023, 01:45 PM
శ్రీసత్య సాయి జిల్లా పెనుకొండ నియోజకవర్గం గోరంట్ల మండల కేంద్రంలో శుక్రవారం పట్టభద్రుల, ఉపాధ్యాయ ఎమ్మెల్సీ ఎన్నికల ప్రచారంలో భాగంగా ప్రభుత్వ కార్యాలయాలు, సచివాలయాలు, ప్రభుత్వ పాఠశాలలు, ప్రభుత్వ కళాశాలలో పెనుకొండ ఎమ్మెల్యే శంకర్ నారాయణ ఎన్నికల ప్రచార కార్యక్రమాన్ని నిర్వహించారు. ఈ సందర్బంగా ఎమ్మెల్యే మాట్లాడుతూ రాష్ట్ర ముఖ్యమంత్రి వై. యస్. జగన్మోహన్ రెడ్డి ఆశీస్సులతో పోటీచేయుచున్న పశ్చిమ రాయలసీమ పట్టభద్రుల నియోజకవర్గ వై. యస్. ఆర్ కాంగ్రెస్ పార్టీ ఎమ్మెల్సీ అభ్యర్ధి వెన్నపూస రవీంద్రారెడ్డి కి, ఉపాధ్యాయ ఎమ్మెల్సీ అభ్యర్ధి యం. వి. రామచంద్రారెడ్డి కి మీ అమూల్యమైన మొదటి ప్రాధాన్యత ఓటు వేసి వేయించి అఖండమైన మెజారిటీతో గెలిపించాలని కోరారు. ఈ కార్యక్రమంలో గోరంట్ల పట్టణ మరియు మండల ప్రజా ప్రతినిధులు, ముఖ్య నాయకులు, తదితరులు పాల్గొన్నారు.
|
|