ఖబడ్దార్ మారుతి చౌదరి మంత్రిని విమర్శించే స్థాయి నీకు లేదు
Andhra Pradesh Telugu | Suryaa Desk | Published : Wed, Mar 15, 2023, 12:46 PM
కళ్యాణదుర్గం పట్టణంలోని మంత్రి కార్యాలయంలో వైఎస్ఆర్సిపి పార్టీ సీనియర్ నాయకుల ఆధ్వర్యంలో బుధవారం విలేకరుల సమావేశం నిర్వహించారు. ఈ సందర్భంగా వారు మాట్లాడుతూ ఉన్నం మారుతి చౌదరికి మంత్రిని విమర్శించే స్థాయి లేదంటూ కనీసం సొంత ఊరు లో వార్డు సభ్యునిగా కూడా నిలబడని ఆయన మంత్రి ఉషాశ్రీ చరణ్ పై విమర్శలు చేయడం సిగ్గుచేటు అని వైఎస్ఆర్సిపి నాయకులు మండిపడ్డారు. గాలి మరలు, చర్చి స్థలాలను కబ్జా చేసి అనేకమంది పొట్టగొట్టిన విషయాల గుర్తు రాలేదా అంటూ ప్రశ్నించారు. ఎమ్మెల్సీ ఎన్నికల్లో ప్రలోభాలకు దిగారంటూ అధికారులే స్వయంగా మంత్రితో మాట్లాడారని అంటున్నావు కనీసం అక్కడ ఎవరు ఉన్నారన్నది కూడా తెలుసుకోలేని దద్దమ్మల ఉంటే ఎలా అంటూ మండిపడ్డారు. మేధావి వర్గానికి చెందిన ఎలక్షన్లలో దొంగ ఓట్లకు తావే లేదని , ఇక్కడ అలాంటి దాఖలాలు కూడా లేవని కేవలం మీ ఉనికిని కాపాడుకోవడానికి విమర్శలు చేస్తున్నారని, బీసీ నేతలపై చిచ్చు పెడుతూ రాజశేఖర్ రెడ్డి హయాంలోనే కురువ కమ్యూనిటీ భవనం నిర్మాణం చేసుకున్నదని మీరు నిర్మించింది ఏమీ లేదని తెలిపారు. ఈ కార్యక్రమంలో, వైఎస్ఆర్సిపి నాయకులు , కౌన్సిలర్లు, మహిళా నాయకులు, తదితరులు పాల్గొన్నారు.
|
|