ట్రెండింగ్
పొంచి ఉన్న వాన ముప్పు... రేపు విశాఖలో క్రికెట్ మ్యాచ్ జరిగేనా
Andhra Pradesh Telugu | Suryaa Desk | Published : Sat, Mar 18, 2023, 06:30 PM
తెలుగు రాష్ట్రాల్లో నేడు, రేపు వర్షాలు పడతాయని వాతావరణ శాఖ ఇప్పటికే వెల్లడించింది. ఉపరితల ద్రోణి ప్రభావంతో ఏపీలో విస్తారంగా వర్షాలు కురుస్తున్నాయి. ఇదిలా ఉంటే టీమిండియా, ఆస్ట్రేలియా జట్ల మధ్య రెండో వన్డే మ్యాచ్ రేపు (మార్చి 19) విశాఖపట్నంలో జరగనుంది. అయితే, ఈ మ్యాచ్ కు వాన ముప్పు ఉన్నట్టు వాతావరణ నివేదికలు చెబుతున్నాయి. రేపు విశాఖలో డే/నైట్ మ్యాచ్ జరగనుండగా, టికెట్లన్నీ అమ్ముడయ్యాయి.
ఏపీ కోస్తా జిల్లాల్లో వర్షాలు పడుతుండగా, రేపు విశాఖలోనూ వరుణుడి ప్రభావం కనిపించే అవకాశాలున్నట్టు వాతావరణ నిపుణులు చెబుతున్నారు. దాంతో ఈ మ్యాచ్ జరగడంపై సందిగ్ధత నెలకొంది.
నిన్న ముంబయిలో జరిగిన తొలి వన్డేలో ఆసీస్ పై టీమిండియా 5 వికెట్ల తేడాతో నెగ్గడం తెలిసిందే. దాంతో, మూడు వన్డేల సిరీస్ లో టీమిండియా 1-0తో ముందంజ వేసింది.
|
|