ఏకాంతంగా గడుపుదామని పారిశ్రామికవేతకు ఆఫర్ ఇచ్చిన మహిళ,,,,సడెన్‌గా ఎంట్రీ ఇచ్చిన ముగ్గురు యువకులు

ఇటీవల కాలంలో హనీట్రాప్ ఉద్దంతాలు బాగా పెరిగిపోతున్నాయి. తాజాగా బెంగళూరులో నగరంలో ఇటువంటి వ్యవహారం వెలుగులోకి వచ్చింది. హనీట్రాప్ ముఠా వలలో పడిన ఓ యువ పారిశ్రామికవేత్త (28).. వారి బెదిరింపులతో భయపడ్డాడు. చివరకు వారి నుంచి తప్పించుకుని పోలీసులకు ఫిర్యాదు చేశాడు. అతడి ఫిర్యాదు ఆధారంగా పుట్టేనహళ్లి పోలీసులు మెహర్‌ అనే యువతితో పాటు నలుగురిపై కేసు నమోదు చేశారు. పోలీసుల వివరాల్లోకి వెళ్తే.. టెలిగ్రామ్‌ యాప్‌ ద్వారా మెహర్ అనే యువతితో యువ పారిశ్రామికవేత్తకు పరిచయమైంది. ఇద్దరూ తరచూ చాటింగ్‌ చేసుకునేవారు. ఈ క్రమంలో తన భర్త దుబాయ్‌లో ఉద్యోగం చేస్తున్నాడని, తాను ఒంటరిగా ఉంటున్నానని చెప్పింది. తనను సుఖపెట్టే సరైన వ్యక్తి కోసం చూస్తున్నానని రెచ్చగొట్టింది.

ఇష్టమైతే తన చెప్పిన చోటుకు వస్తే ఇద్దరూ సంతోషంగా గడపొచ్చని చిరునామా లొకేషన్‌ను పంపించింది. తనంతట తానుగా ఆమె రమ్మని చెప్పడంతో యువ పారిశ్రామికవేత్త ఆశగా అక్కడకు వెళ్లాడు. ఇద్దరూ ఆమె ఇంట్లో ఉన్న సమయంలో ముగ్గురు యువకులు ప్రత్యక్షమయ్యారు. దీంతో షాకైన అతడు.. వలపు వలలో చిక్కుకున్నానని తెలుసుకున్నాడు. యువకుడిపై దాడిచేసిన ఆ ముగ్గురూ.. ఇక్కడకు ఎందుకు వచ్చావని ప్రశ్నించారు. తాము చెప్పినట్టు వినకపోతే అర్ధనగ్నంగా రోడ్డుమీద పరుగెత్తిస్తామని, సున్తీ చేయించుకోవాలని, ఆమెను వివాహం చేసుకోవాలని బెదిరించారు.

తమ మాట వినకపోతే పోలీసులకు ఫిర్యాదు చేస్తామంటూ హెచ్చరించారు. పరువు పోకుండా ఉండాలంటే తమకు రూ.3 లక్షలు ఇవ్వాలని డిమాండ్ చేశారు. దీంతో తన వద్ద రూ.21 వేలు వారికి ట్రాన్స్‌ఫర్ చేసిన యువకుడు. అతడ్ని రాత్రి 8 గంటల వరకూ అక్కడ బంధించారు. తర్వాత క్రెడిట్ కార్డు తీసుకురావాలని చెప్పడంతో ఇదే సరైన అవకాశంగా భావించి అక్కడ నుంచి తప్పించుకున్నాడు. అనంతరం పోలీసులకు ఫిర్యాదు చేయడంతో కేసు నమోదుచేసి దర్యాప్తు చేపట్టారు. నిందితుల కోసం పోలీసులు గాలింపు చేపట్టి అరెస్ట్ చేశారు.

కొద్ది రోజుల కిందట ఇద్దరు మహిళలు సహా కరుడగట్టిన హనీట్రాప్ ముఠాను బెంగళూరు పోలీసులు పట్టుకున్నారు. ఓ యువకుడికి నగ్న ఫోటోలను పంపి ట్రాప్ చేసిన ముఠా.. బెగార్‌లోని ఓ గదికి రప్పించారు. అక్కడ అతడ్ని అర్ధనగ్నంగా నిలబెట్టి వీడియో తీసి దాని ఆధారంగా బెదిరింపులకు పాల్పడ్డారు. రూ.10 లక్షలు ఇవ్వాలని డిమాండ్ చేశారు.