ట్రెండింగ్
నవరత్నాలలో ఒకటి పూర్తిచేయలేదు: బొండా ఉమా
Andhra Pradesh Telugu | Suryaa Desk | Published : Sun, Apr 02, 2023, 09:12 PM
సీఎం జగన్ ను గిన్నిస్ బుక్ లోకి ఎక్కించాలని టీడీపీ సీనియర్ నేత బొండా ఉమ వ్యంగ్యంగా అన్నారు. 98 శాతం హామీలు నెరవేర్చామని చెప్పుకుంటున్నారని, ఎక్కడ నెరవేర్చారో చెప్పాలని నిలదీశారు. 15 లక్షల మందికి పెన్షన్ డబ్బులు ఎగ్గొట్టారని, విద్యుత్ చార్జీల పెంపుతో రూ.57 వేల కోట్లు రాబట్టారని బొండా ఉమ వివరించారు. ఆఖరికి ఉద్యోగుల డబ్బులు కూడా లూటీ చేశారని వివరించారు. వైసీపీ అధికారంలోకి వచ్చాక ఏపీలో కట్టింది ఐదు ఇళ్లేనని పార్లమెంటులో నిరూపితమైందని అన్నారు. నవరత్నాల్లో ఒక్కటీ పూర్తిగా అమలు చేయలేదని బొండా ఉమ విమర్శించారు. అధికారంలోకి వచ్చినప్పటి నుంచి జగన్ ప్రజలను ఫూల్స్ ని చేస్తూనే ఉన్నాడని వివరించారు.
|
|