ప్రజా సంక్షేమానికి నిరంతర కృషి
Andhra Pradesh Telugu | Suryaa Desk | Published : Sun, Apr 09, 2023, 12:30 PM
ప్రజా సంక్షేమానికి నిరంతరం కృషి చేస్తున్నామని గజపతినగరం శాసనసభ్యులు బొత్స అప్పలనరసయ్య అన్నారు. ఆదివారం గజపతినగరం మండలంలోని పాతబగ్గాం గ్రామ సచివాలయం పరిధిలోగల బంగారమ్మపేట గ్రామంలో గడపగడపకు మన ప్రభుత్వం అనే కార్యక్రమం చేపట్టారు. ఈ సందర్భంగా ప్రభుత్వం చేపడుతున్న సంక్షేమ అభివృద్ధి కార్యక్రమాల గురించి ఎమ్మెల్యే అప్పల నరసయ్య ఇంటింటికి వెళ్లి ప్రజలకు వివరించారు. ఇంకా అర్హులు ఎవరైనా ఉంటే తన దృష్టికి తీసుకురావాలన్నారు. అన్ని వర్గాల ప్రజల సంక్షేమమే తమ ప్రభుత్వ ధ్యేయమన్నారు. ప్రజలకు ఎటువంటి సమస్యలు ఉన్నా తన దృష్టికి తీసుకువస్తే పరిష్కారానికి కృషి చేస్తానని చెప్పారు. కార్యక్రమంలో ఎంపీపీ బెల్లాన జ్ఞాన దీపిక, జడ్పిటిసి గార తవుడు, మండల పార్టీ అధ్యక్షుడు బూడి వెంకటరావు, పిఎసిఎస్ అధ్యక్షులు కరణం ఆదినారాయణ, వైకాపా నాయకులు బెల్లాన త్రినాధరావు, పల్లి సంజీవరావు, సామంతుల పైడిరాజు, మండల సురేష్, కనకల సుబ్రమణ్యం తదితరులు పాల్గొన్నారు.
|
|