తిరుమల శ్రీవారికి,,,తిరుచానూరు పద్మావతి అమ్మవారికి బంగారు చీర బహుకరించిన సిరిసిల్ల చేనేత కళాకారుడు
Andhra Pradesh Telugu | Suryaa Desk | Published : Sun, Apr 09, 2023, 07:55 PM
తిరుమల శ్రీవారు, తిరుచానూరురు పద్మావతి అమ్మవార్లకు తెలంగాణ నుంచి చీరలు బహుకరించారు. రాజన్న సిరిసిల్ల జిల్లాకు చెందిన చేనేత కార్మికుడు నల్ల విజయ్ ఈ చీరలను బహుకరించారు. ఈ మేరకు అగ్గిపెట్టలో పట్టే బంగారు చీరలను ఏపీ ప్రభుత్వ ప్రధానన కార్యదర్శి కేఎస్ జవహర్ రెడ్డి చేతుల మీదుగా టీటీడి అధికారులకు అందజేశారు.
తిరుమల వెంకటేశ్వర స్వామివారికి రూ. 45 వేల విలువ చేసే బంగారు చీరలను ఆయన అగ్గిపెట్టేలో పట్టే విధంగా ఆయన తయారు చేశారు. తిరుచానూరు పద్మావతి అమ్మవారికి 5 గ్రాముల బంగారంతో జరీ చీరను అగ్గి పెట్టెలో పట్టే విధంగా తయారు చేసి బహుమానంగా అందించారు. నల్ల విజయ్ చేనేత పనితనాన్ని సీఎస్ జవహర్ రెడ్డి, టీటీడి అధికారులు మెుచ్చుకున్నారు.
చేనేత కళా నైపుణ్యంతో నల్ల విజయ్ తన ప్రతిభను ప్రపంచానికి చాటి చెబుతున్నారు. గతంలో ఆయన సువాసనలు వెదజల్లే వెండిచీరను తయారు చేశారు. మగ్గంపై వెండిపోగులతో సువాసనలు వెదజల్లే చీరను తయారు చేశారు. 27 రకాల సుగంధ ద్రవ్యాలు కలిపి.. పరిమళాలు వెదజల్లే పట్టుచీరను సైతం తయారు చేశారు.
ఆయన ఇప్పటి వరకు అగ్గిపెట్టెలో పట్టే చీర మొదలుకుని.. దబ్బనంలో పట్టే చీరలు వరకు తయారు చేశాడు. విజయ్ తయారు చేసిన పరిమళించే పట్టు చీరను.. తెలంగాణ మంత్రులు కేటీఆర్, హరీశ్ రావు ఆవిష్కరించారు. విజయ్ కోరిక మేరకు.. ఆ చీరకు సిరి చందన పట్టుగా మంత్రులు పేరు పెట్టారు.
|
|