పిల్లలు పట్టించుకోకపోయినా సీఎం పట్టించుకుంటున్నాడు
Andhra Pradesh Telugu | Suryaa Desk | Published : Wed, Apr 19, 2023, 11:54 AM
కృష్ణాజిల్లా మచిలీపట్నం మండలం పెదపట్నం గ్రామానికి చెందిన వృద్ధుడు ‘జగనన్నే మా భవిష్యత్తు’ కార్యక్రమం సందర్భంగా జబ్బు చేసినా పెద్ద వైద్యం చేయించి ఆదరణ లేని మాలాంటి ముసలోళ్లను కాపాడుతున్నాడు..’ అంటూ ఆవేదన వ్యక్తపరిచినట్లు స్థానిక వైసీపీ నేతలు తెలియజేసారు. ‘జగనన్నే మా భవిష్యత్‌’లో భాగంగా గ్రామ సర్పంచ్‌ గడిదేసి అనూష, వైఎసాస్‌ర్‌సీపీ నాయకుడు గడిదేసి రాజు తదితరులు పెదపట్నంలోని ఇంటింటికీ వెళ్లి ప్రభుత్వ పథకాలను వివరిస్తూ ప్రజల అభిప్రాయాలను తెలుసుకుంటున్నారు. ఈ క్రమంలో 85 ఏళ్ల వయసు కలిగిన మోపిదేవి లీలాజలం అనే వృద్ధుని ఇంటి వద్దకు వెళ్లగా... ఆయన ముఖ్యమంత్రి వైఎస్‌ జగన్‌మోహన్‌రెడ్డి గురించి మాట్లాడుతూ భావోద్వేగానికి గురయ్యాడు. ‘జగన్‌బాబు దేవుడయ్యా... ఇంట్లో పిల్లలు పట్టించుకోకపోయినా ప్రతి నెలా ఒకటో తేదీకల్లా జీతం ఇచ్చినట్లు వలంటీర్ల ద్వారా పెన్షన్‌ పంపి మాలాంటి ముసలోళ్ల కడుపులు నింపుతున్నాడు. పిల్లల ఆదరణలేని అనేకమంది వృద్ధ దంపతులను సొంత కొడుకులా ఆదుకుంటున్నాడు అని ఆనందం వ్యక్తపరిచారు.
|
|