ద్విచక్ర వాహనాల దొంగలు అరెస్ట్
Andhra Pradesh Telugu | Suryaa Desk | Published : Wed, Apr 26, 2023, 01:18 PM
ద్విచక్ర వాహనాలని దొంగిలించే ముఠాని రాజమహేంద్రవరం టూటౌన్‌ పోలీసులు చాకచక్యంగా అరెస్టు చేశారు. ఈ సందర్భంగా పోలీసులు మాట్లాడుతూ.... ద్విచక్ర వాహనాల దొంగతనాలపై ఎస్పీ సుధీర్‌కుమార్‌రెడ్డి ఆదేశాలతో ప్రత్యేక నిఘా పెట్టామన్నారు. ఈ క్రమంలో ధవళేశ్వరానికి చెందిన గుడె పవన్‌కుమార్‌, తాడితోటకు చెందిన ఎర్రారపు సత్యనారాయణ, గుత్తాల నవీన్‌కుమార్‌ని అరెస్టు చేశామని తెలిపారు. వాళ్లిచ్చిన సమాచారంతో చోరీ చేసిన 31 ద్విచక్ర వాహనాలను స్వాధీనం చేసుకున్నామని తెలిపారు. వీటిపై ధవళేశ్వరం, ప్రకాశ్‌నగర్‌, మండపేట, అనపర్తి, అమలాపురం, కాకినాడ, భీమవరం, గుంటూరు పోలీస్‌స్టేషన్లలో కేసులు నమోదయ్యాయని డీఎస్పీ పేర్కొన్నారు. కేసు దర్యాప్తులో ప్రతిభ చూపిన సీఐ టి.గణేష్‌, ఎస్‌ఐలు జీవీవీ సత్యనారాయ ణ, కేఎం జోషి, హెచ్‌సీలు సీహెచ్‌ శ్రీనివాసరావు, ఎస్‌.రాజశేఖర్‌, సిబ్బ ందిని ఎస్పీ అభినందించారు.
|
|