ఫేక్ ఎటాక్ చేయాలని అతిక్ అహ్మద్ సూచన,,,పోలీసుల విచారణలో తెరపైకి గుడ్డు ముస్లిం

పోలీసులు, మీడియా ప్రతినిధులు ఉండగానే గ్యాంగ్‌స్టర్ కమ్ పొలిటిషియన్ అతిక్ అహ్మద్ సోదరులపై కాల్పులు జరిగాయి. ఈ కేసును సీరియస్‌గా తీసుకున్న పోలీసులు.. లోతుగా విచారణ చేస్తున్నారు. ఈ క్రమంలో విస్తుపోయే విషయాలు వెలుగులోకి వస్తున్నాయి. తాజాగా.. కీలక విషయం తెలిసింది. దీంతో పోలీసులు షాక్ అయ్యారు. అతిక్ ఇంత దారుణంగా ఆలోచిస్తారా అని చర్చించుకుంటున్నారు.

అతిక్ అహ్మద్ హత్యకు సంబంధించి షాకింగ్ సమాచారం బయటకు వస్తోంది. పోలీసు కస్టడీలో ఉన్న సమయంలో అతిక్ అహ్మద్ తనపై దాడికి కుట్ర పన్నినట్లు పోలీసుల విచారణలో వెలుగులోకి వచ్చింది. తనపై దాడి చేయించుకోవడం ద్వారా తన భద్రతను పెంచుకోవాలనేది అతిక్ ప్లాన్ అని తెలుస్తోంది. దీంతో పోలీసులు పలు కోణాల్లో దర్యాప్తు చేస్తున్నారు. అతిక్ బంధువులే ఫేక్ ఎటాక్‌కు బదులు.. అతన్ని చంపడానికి కుట్ర పన్నారా అనే కోణంలో పోలీసులు దర్యాప్తు చేస్తున్నారు.

11 మంది ఉసురు తీసిన విషవాయువు

తనపై బూటకపు దాడికి పాల్పడే బాధ్యతను అతిక్ తన సన్నిహిత మిత్రుడు గుడ్డు ముస్లింకు అప్పగించినట్లు తెలిసింది. గుడ్డు ముస్లిం కూడా ఫేక్ ఎటాక్ కోసం పూర్వాంచల్‌లోని దుండగులను సంప్రదించాడు. దీంతో అతీక్ అహ్మద్ హత్యలో డబుల్ క్రాస్ థియరీపై అనుమానం బలపడుతోంది. ఎందుకంటే.. హత్యకు క్షణాల ముందు అతీక్ అహ్మద్ తన సోదరుడు అష్రఫ్‌తో కలిసి పోలీసు జీపు నుంచి దిగినప్పుడు.. ఎవరికో సిగ్నల్ ఇచ్చాడు.

అతిక్ ఎవరికి సైగ చేశాడు.. అనేది హాట్ టాపిక్‌గా మారింది. ఫేక్ ఎటాక్ కోసం.. లవ్లేష్, సన్నీ, అరుణ్‌లను తీసుకొచ్చి.. చివరి క్షణంలో మర్డర్ ప్లాన్‌గా మార్చారా అనే చర్చ జరుగుతోంది. మరోవైపు అతిక్ మృతి తర్వాత.. అతడి అక్రమ వ్యాపారాలు ఒక్కొక్కటిగా బయట పడుతున్నాయి. కొంతమంది బెట్టింగ్ నిర్వాహకులను పోలీసులు అదుపులోకి తీసుకున్నట్టు ప్రచారం జరుగుతోంది. అతిక్ తన అక్రమ సొమ్మును బెట్టింగ్‌ కోసం వినియోగించాడనే టాక్ ఉంది.