అయన గురించి మాట్లాడే అర్హత మీకు లేదు
Andhra Pradesh Telugu | Suryaa Desk | Published : Wed, May 17, 2023, 03:56 PM
జనసేన అధ్యక్షుడు పవన్కల్యాణ్ను విమర్శించే అర్హత ఎమ్మెల్యే నల్లపరెడ్డి ప్రసన్నకుమార్రెడ్డికి లేదని ఆ పార్టీ నెల్లూరు జిల్లా ఉపాధ్యక్షుడు బద్దెపూడి సుధీర్ అన్నారు. కొడవలూరు మండలంలోని నార్తురాజుపాళెంలో ముందుగా డాక్టర్ బీఆర్ అంబేడ్కర్ విగ్రహానికి పూలమాలలు వేసి నివాళులర్పించారు. అనంతరం నిరసన కార్యక్రమం చేపట్టారు. ఈ సందర్భంగా ఆయన మాట్లాడుతూ దశాబ్దాలుగా ఎమ్మెల్యేగా కొనసాగుతూ నియోజకవర్గంలో ఏమి అభివృద్ధి చేశారని ప్రశ్నించారు. నియోజకవర్గంలో గ్రావెల్, ఇసుక, మట్టి అక్రమంగా తరలిస్తున్న వారిపై చర్యలు ఎందుకు తీసుకోవడం లేదన్నారు. ఇన్ని సమస్యలు నియోజకవర్గంలో పెట్టుకుని మా అధ్యక్షడు పవన్కల్యాణ్ను విమర్శించే అర్హత మీకు ఉందా? అని ప్రశ్నించారు. కార్యక్రమంలో జనసేన నాయకులు గునకల కిషోర్, ప్రశాంత్ గౌడ్, హేమచంద్ర యాదవ్, షాజహాన్, రాజా, ప్రసన్న తదితరులు పాల్గొన్నారు.
|
|