ట్రెండింగ్
ట్రాఫిక్ రూల్స్ పాటిస్తేనే ప్రమాదాల నివారణ
Andhra Pradesh Telugu | Suryaa Desk | Published : Fri, May 19, 2023, 11:20 AM
ప్రమాదాల నివారణకు ట్రాఫిక్ రూల్స్ పాటించాలని పులివెందుల డిఎస్పి వినోద్ కుమార్ తెలిపారు. గురువారం పులివెందుల పట్టణంలోని స్థానిక ట్రాఫిక్ పోలీస్ స్టేషన్లో వాహనదారులకు అవగాహన కార్యక్రమం నిర్వహించారు. ఈ కార్యక్రమానికి ట్రాఫిక్ సిఐ వెంకటేశులు, ట్రాఫిక్ ఎస్ఐ హాజీవల్లిలతో కలిసి డిఎస్పి వినోద్ కుమార్ హాజరయ్యారు. ఈ సందర్భంగా ఆయన మాట్లాడుతూ ఇటీవల రోడ్డు ప్రమాదాలు ఎక్కువగా జరుగుతున్నాయని విపరీతమైన స్పీడుతో వాహనాలు నడపడం, అలాగే ట్రాఫిక్ రూల్స్ పాటించకుండా అడ్డదిడ్డంగా వాహనాలు నడపడం వల్ల ప్రమాదాలు జరుగుతున్నాయన్నారు. ప్రమాదాల నివారణకు ప్రతి వాహనాదారుడు టాపిక్స్ రూల్ తప్పకుండా పాటించాలన్నారు. ఈ కార్యక్రమంలో పోలీస్ సిబ్బంది పాల్గొన్నారు.
|
|