గడపగడపకు మన ప్రభుత్వం కార్యక్రమంలో పాల్గొన్న ఎమ్మెల్యే
Andhra Pradesh Telugu | Suryaa Desk | Published : Sun, May 21, 2023, 12:22 PM
ఎన్టీఆర్ జిల్లా, నందిగామ పట్టణంలోని 17 వ వార్డులో ఆదివారం గడపగడపకు, మన ప్రభుత్వం కార్యక్రమాన్ని ఎమ్మెల్యే డాక్టర్. మొండితోక జగన్ మోహన్ రావు నిర్వహించారు. ఈ సందర్బంగా ప్రతి ఇంటికి వెళ్లి ప్రభుత్వ అమలు చేస్తున్న సంక్షేమ పథకాలను వివరిస్తూ, ప్రభుత్వ పనితీరుపై ప్రజల అభిప్రాయాలను ఎమ్మెల్యే తెలుసుకుంటున్నరు. గత తెలుగుదేశం హయాంలో నందిగామను అవినీతిమయం చేసి దోచుకున్నారే తప్ప, అభివృద్ధి చేయలేదని ఆగ్రహం వ్యక్తం చేశారు. మా హాయంలో పట్టణంలోని 17, 18 వార్డుల పరిధిలో వైయస్ఆర్ అర్బన్ హెల్త్ క్లినిక్ ఏర్పాటు చేశాం. కాలనీ వాసులకు చేరువలోనే మెరుగైన వైద్య సేవలు అందిస్తున్నాం. 17 వ వార్డు పరిధిలో మండల పరిషత్ ప్రాథమిక పాఠశాల అభివృద్ధికి నాడు, నేడు నిధులు కేటాయించాం. కాలనీలో మౌలిక వసతుల కల్పనకు ప్రత్యేక చర్యలు తీసుకుంటున్నాం అన్నారు. ఈ కార్యక్రమంలో కార్యదర్శి చల్లా బ్రహ్మం, మున్సిపల్ కమిషనర్ డాక్టర్ జయరాం, కౌన్సిలర్లు బాపట్ల సాంబయ్య, తానూరి రాము, ఏఈ ఫణి శ్రీనివాస్, వార్డు ఇంచార్జ్ పట్టా శ్రీను, బండారు వెంకటరావు, విశ్వనాథపల్లి కృపారావు, మేచర్ల విజయలక్ష్మి, పూలపొంగు పోతురాజు, బండారు శేషు తదితరులు పాల్గొన్నారు.
|
|