ఎన్నికల సంఘానికి లేఖ వ్రాసిన ఎంపీ
Andhra Pradesh Telugu | Suryaa Desk | Published : Wed, Jun 21, 2023, 10:58 AM
సీఎం జగన్, ఐ ప్యాక్ కనుసన్నల్లోనే రాష్ట్రంలోని ప్రతి నియోజకవర్గంలో దొంగ ఓట్ల నమోదు, ప్రతిపక్ష పార్టీల సానుభూతిపరుల ఓట్ల తొలగింపు ప్రక్రియ కొనసాగుతోందని ఎంపీ రఘురామకృష్ణరాజు ఆరోపించారు. ఆయన మాట్లాడుతూ..... ఈ విషయాన్ని కేంద్ర ఎన్నికల సంఘం ప్రధాన కమిషనర్కు వివరిస్తూ లేఖ రాశానని చెప్పారు. దొంగ ఓట్ల నమోదు ప్రక్రియకు సహకరించిన అధికారులపై చర్యలు తీసుకోవాలని కోరినట్లు తెలిపారు. దొంగ ఓట్ల నమోదు, ప్రతిపక్ష పార్టీ సానుభూతిపరుల ఓట్లను తొలగించడం ద్వారా వాలంటీర్లు ప్రజాస్వామ్యాన్ని అపహాస్యం చేస్తున్నారని అన్నారు. ఈ విషయంలో ప్రతిపక్ష పార్టీలు అప్రమత్తంగా ఉండాలన్నారు. ప్రతి నియోజకవర్గంలో 7 నుంచి 10వేలకు తగ్గకుండా దొంగ ఓట్లను నమోదు చేస్తున్నారని తెలిపారు. వాలంటీర్లలో ఎక్కువమంది తప్పుడు పనులకు పాల్పడుతున్నారని ఆరోపించారు. తమ పార్టీ సానుభూతిపరులను ముఖ్యమంత్రి జగన్మోహన్ రెడ్డి వాలంటీర్లుగా నియమించి ప్రజలపైకి వదిలేస్తున్నారని మండిపడ్డారు. కాగా, పరీక్షల్లో కష్టపడి ర్యాంకులు సాధించుకున్న విద్యార్థులను ‘జగనన్న ఆణిముత్యాలు’ అనడమేమిటని రఘురామ మండిపడ్డారు.
|
|