గడపగడపకు సంక్షేమమే ప్రభుత్వ ధ్యేయం
Andhra Pradesh Telugu | Suryaa Desk | Published : Wed, Jun 28, 2023, 02:29 PM
సీఎం జగన్మోహన్ రెడ్డి పాలనలో గడప గడపకు సంక్షేమం కల్పించడమే ప్రభుత్వ ధ్యేయమని యువనేత ధర్మాన రామ్ మనోహర్ నాయుడు అన్నారు. పార్టీలతో సంబంధం లేకుండా నేరుగా లబ్ధిదారునికి అన్ని రకాల సంక్షేమ పథకాలు అందడంతో అందరూ సంతోషంగా ఉన్నారని చెప్పారు. శ్రీకాకుళం రూరల్ మండలం పెద్దపాడు గ్రామ సచివాలయ పరిధిలో బుధవారం గడపగడపకు - మన ప్రభుత్వం కార్యక్రమం నిర్వహించారు. ఈ సందర్భంగా ఆయన మాట్లాడుతూ అర్హత కలిగి ఉండి పథకాలు రాకపోతే వెంటనే మంజూరు చేస్తామని హామీ ఇచ్చారు. అర్హులందరికీ జగనన్న ఇళ్ల కాలనీలు, వైఎస్సార్ చేయూత, వైఎస్సార్ ఆసరా, అమ్మ ఒడి, వసతి దీవెన అందిస్తున్నామని చెప్పారు. గతంలో ఏ ప్రభుత్వం ఇన్ని సంక్షేమ పథకాలు అందించలేద న్నారు. పథకాలన్నీ కొనసాగాలంటే జగనన్న ప్రభుత్వం మళ్లీ అధికారంలోని రావాలన్నారు. ఈ కార్యక్రమంలో స్థానిక నాయకులు తదితరులు పాల్గొన్నారు.
|
|