ట్రెండింగ్
ఎర్ర చందనం దొంగలు అరెస్ట్
Andhra Pradesh Telugu | Suryaa Desk | Published : Mon, Jul 17, 2023, 05:07 PM
అన్నమయ్య, తిరుపతి జిల్లాల పరిధిలోని మూడు ప్రాంతాల్లో 19 ఎర్రచందనం దుంగలను స్వాధీనం చేసుకోవడంతోపాటు 20 మంది తమిళ స్మగ్లర్లను అరెస్టు చేసినట్లు టాస్క్‌ఫోర్స్‌ డీఎస్పీ మురళీధర్‌ తెలిపారు. ఆయన మీడియాతో మాట్లాడుతూ.. అన్నమయ్య జిల్లా తుమ్మలబైలు సెక్షన్‌ చాకిరేవుకోన, సానిపాయరేంజ్‌ పింఛా సెక్షన్‌ దిన్నెల ఫారెస్టు బీటు, చిట్టికురవ రాస్తాకోన, తిరుపతి జిల్లా నాగపట్ల సెక్షన్‌ పీలేరు రోడ్డులో ఉన్న వెంకటపద్మావతి ఇన్‌స్టిట్యూట్‌ కళాశాల ఎదుట ఉన్న అటవీ ప్రాంతాల్లో కూంబింగ్‌ నిర్వహించారని తెలిపారు. ఆయా ప్రాంతాల్లో కొందరు వ్యక్తులు ఎర్రచందనం దుంగలను మోసుకుని వస్తూ కనిపించగా 20 మందిని పట్టుకున్నారని చెప్పారు. వీరంతా తమిళనాడు వేలూరు, తిరువణ్ణామలై, తిరుపత్తూరు, కల్లకురిచ్చి జిల్లాలకు చెందిన వారిగా గుర్తించి, కేసు నమోదు చేశామన్నారు.
|
|