ఆమెకు పదవీకాలం ఉంది, వదంతులు సృష్టించకండి
Andhra Pradesh Telugu | Suryaa Desk | Published : Fri, Jul 21, 2023, 01:26 PM
ఏపీ మహిళా కమిషన్ చైర్పర్సన్ వాసిరెడ్డి పద్మ ఐదేళ్ల పాటు పదవీకాలంలో కొనసాగుతారని మహిళాభివృద్ధి, శిశు సంక్షేమ శాఖ స్పష్టం చేసింది. వాసిరెడ్డి పద్మ పదవీకాలం ముగిసిందంటూ ఒక పత్రికలో వచ్చిన వార్తలో నిజం లేదని పేర్కొంది. ఏపీ మహిళా కమిషన్ చట్టం- 1998లోని సెక్షన్ 6ను రాష్ట్ర ప్రభుత్వం ఈ ఏడాది సవరించింది. సవరించిన నిబంధన ప్రకారం చైర్పర్సన్, కమిషన్ సభ్యుల పదవీకాలం రెండేళ్లు ఉంటుంది. దాన్ని గరిష్టంగా మరో రెండేళ్లపాటు పొడిగించవచ్చు. ఈ సవరణ నోటిఫైడ్ తేదీ తర్వాత అమల్లోకి వస్తుంది. కానీ.. సవరణ అమల్లోకి రాకముందే ఏపీ మహిళా కమిషన్ చట్టం -1998లోని సెక్షన్ 6 ప్రకారం ప్రస్తుతం ఉన్న మహిళా కమిషన్ చైర్పర్సన్, సభ్యుల నియామకం జరిగినందున పదవీకాలం ఐదేళ్లు పూర్తిగా ఉంటుందని మహిళాభివృద్ధి, శిశు సంక్షేమ శాఖ స్పష్టం చేసింది
|
|