విమానాల్లో ఫ్లోర్‌పై మహిళా ప్రయాణికురాలు యూరినేషన్

గత కొద్ది నెలలుగా విమానాల్లో ప్రయాణికులు అనుచితంగా ప్రవర్తిస్తున్న సంఘటనలు సర్వసాధారణంగా మారిపోయాయి. మద్యం మత్తులో తోటి ప్రయాణికులపై మూత్రం పోయడం, దాడికి దిగడం, సిబ్బందితో ఘర్షణకు దిగడం వంటి ఘటనలు ఇటీవల చోటుచేసుకున్నాయి. తాజాగా, అలాంటి మరో ఘటన అమెరికా సంస్థ విమానంలో వెలుగుచూసింది. ఓ మహిళ విమానం ఫ్లోర్‌పైనే మూత్ర విసర్జన కానిచ్చేసిన ఘటన అమెరికాకు చెందిన స్పిరిట్ ఎయిర్‌రైల్స్ విమానంలో గతవారం చోటుచేసుకుంది. అయితే, విమానంలో టాయ్‌లెట్‌‌లోకి వెళ్లేందుకు గంటలు కొద్దీ సిబ్బంది అనుమతించకపోవడంతోనే తప్పనిసరై ఇలా చేశానని మహిళా ప్రయాణికురాలు చెప్పడం గమనార్హం.

తాను రెండు గంటల పాటు బలవంతంగా అదిమిపట్టానని, ఇక నా వల్ల కాలేదని చెప్పింది. ఆమె మూత్రవిసర్జన చేస్తుండగా.. క్యాబిన్ క్రూ ఒకరు వీడియో తీశారు. ‘జులై 2, 2023న స్పిరట్ ఎయిర్‌లైన్స్ విమానంలో ప్రయాణించిన ఆఫ్రికన్ అమెరికన్ మహిళ.. టేకాఫ్ తర్వాత టాయ్‌లెట్ తెరిచే వరకూ వేచి ఉండలేక ఆమె నేలపై మూత్ర విసర్జన చేసింది.. అదే సమయంలో మీరు నీళ్లు తాగాలని.. మూత్రం దుర్వాసన వస్తుందని ఫ్లైట్ అటెండెంట్స్ ఆమెతో చెప్పారు’ అని వేలారస్ యాక్సిడెంటల్ అనే ట్విట్టర్ ఖాతాలో వీడియోను షేర్ చేశారు.

మహిళ విమానం ఫ్లోర్‌పై చతికిలబడి కూర్చుని మూత్రవిసర్జన చేస్తున్న ఆమె సిబ్బందితో వాదించడం చిన్న క్లిప్‌లో స్పష్టంగా కనిపిస్తోంది. ఆమె చర్యలపై నెటిజన్లు తీవ్రంగా మండిపడుతున్నారు. ఇది చాలా అసహ్యకరమైన పని అని ఒకరు.. ‘నా పిల్లి కూడా చాలా శుభ్రంగా ఉంటుంది.. ఆ మాత్రం ఓపికగా వేచి చూడలేకపోయిందా’ అని మరొకరు కామెంట్ చేశారు. రోజు రోజుకూ రోజు నాగరికత క్షీణించిపోతోంది అని మరో నెటిజన్ విరుచుకుపడ్డారు.

మరోవైపు, ఈ ఘటనపై స్పిరిట్ ఎయిర్‌లైన్స్ ఇంకా స్పందించలేదు. ఏది ఏమైనప్పటికీ విమానాల్లో ఇలాంటి ఘటన జరగడం ఇదే మొదటిసారి కాదు. 2018లో విజ్ ఎయిర్‌లైన్స్ విమానంలో ఇటువంటి ఘటనే జరిగింది. విమానంలో ఇంధనం నింపుతున్నప్పుడు టాయ్‌లెట్‌ను ఉపయోగించవద్దని సూచించడంతో మూత్రం ఆపుకోలేక ఓ మహిళ ఫ్లోర్‌పైనే వంగిపోయి మూత్ర విసర్జన చేసింది. సాధారణంగా ఆహారాన్ని తయారుచేసే గ్యాలరీలోనే తాను బలవంతంగా ఉపశమనం పొందానని ఆ మహిళ వ్యాఖ్యానించింది.