ట్రెండింగ్
చంద్రబాబుకు, పవన్ కళ్యాణ్ కు రాష్ట్రంలో ఇల్లు ఉందా?
Andhra Pradesh Telugu | Suryaa Desk | Published : Sat, Jul 29, 2023, 03:01 PM
సింహాన్ని ఎదుర్కొనేందుకు గుంట నక్కలు, ఊర కుక్కలు ఒకటయ్యాయని రాష్ట్ర గృహ నిర్మాణ శాఖ మంత్రి జోగి రమేష్ పేర్కొన్నారు. చంద్రబాబుకు, పవన్ కళ్యాణ్ కు ఆంధ్ర రాష్ట్రంలో ఆధార్ కార్డు, ఇల్లు ఉందా అని మంత్రి ప్రశ్నించారు. రాజకీయాలు చేసేది, ఉండేది పక్కరాష్ట్రంలో విషం కక్కేది మాత్రం ఆంధ్రప్రదేశ్ లో ఉన్న 5 కోట్ల ప్రజలపైనా అని ఆయన నిలదీశారు. అమలాపురంలో వ్యవసాయ మార్కెట్ కమిటీ చైర్మన్ ప్రమాణ స్వీకారంలో రాష్ట్ర గృహ నిర్మాణ శాఖ మంత్రి జోగి రమేష్ పాల్గొన్నారు. ఈ సందర్భంగా మంత్రి మాట్లాడుతూ..చంద్రబాబు, పవన్ కళ్యాణ్ లకు దమ్ము, ఖలేజా ఉంటే సింగిలాగానే పోటీ చేయాలి అని సవాల్ విసిరారు. ఎన్నికలకు కుక్కలు, నక్కలు, పందులు కలిసి వస్తాయి.. కానీ సింహం సింగిల్ గానే వస్తుంది అంటూ సినిమా డైలాగ్ ను చెప్పారు.
|
|