మహేష్ రెడ్డి పై సంచలన వ్యాఖ్యలు చేసిన యరపతినేని
Andhra Pradesh Telugu | Suryaa Desk | Published : Wed, Aug 09, 2023, 05:33 PM
పల్నాడు జిల్లా, గురజాల ఎమ్మెల్యే కాసు మహేష్రెడ్డిపై టీడీపీ సీనియర్ నేత, మాజీ ఎమ్మెల్యే యరపతినేని శ్రీనివాసరావు మండిపడ్డారు. ఆయన మీడియాతో మాట్లాడుతూ..... ‘‘గురజాల ఎమ్మెల్యే కాసు కాదు క్యాష్.. మహేష్ రెడ్డి. జగన్ జే బ్రాండ్ తీసుకొచ్చి నెలకు వెయ్యి కోట్లు సంపాదించారు. జగన్ పెద్ద సైకో.. కాసు చిన్న సైకో. తెలంగాణ మద్యంతో వేలకోట్లు దోచుకున్నారు. కాసు మహేష్ రెడ్డి సారా మహేష్ రెడ్డిగా మారారు. మీ సంపాదన కోసం పేదల ప్రాణాలతో చెలగాటం ఆడుతున్నారు. సీఎం జగన్.. తాడేపల్లి నివాసం అక్రమ సంపాదనతో కట్టారు. సారా డబ్బుతో మా అధినేత ఇల్లు కట్టాల్సిన ఖర్మ లేదు. యరపతినేని ఇల్లు కాసుకు ఫ్రీగా ఇస్తా.. దమ్ముంటే తీసుకో. నాకు అక్రమంగా సంపాదించాల్సిన అవసరం లేదు. అవినీతి సొమ్ముతో నరసరావుపేట, గచ్చిబౌలిలో అక్రమంగా నిర్మాణాలు చేశారు. పేదల ఉసురు ఈ కాసుకు తగులుతుంది.’’ అని యరపతినేని హెచ్చరించారు
|
|