ట్రెండింగ్
మహాభారతానికి వెయ్యేళ్లు
Andhra Pradesh Telugu | Suryaa Desk | Published : Tue, Aug 22, 2023, 01:25 PM
మహాభారతం రచించి వెయ్యేళ్లు పూర్తయినా సందర్బంగా విజయవాడ నగరంలో శోభాయాత్ర నిర్వహించారు. వెయ్యి మంది విద్యార్దులతో సాగిన యాత్రలో కలెక్టర్ ఢిల్లీ రావు, మేయర్ భాగ్యలక్ష్మి, ఎమ్మెల్యే వెల్లంపల్లి శ్రీనివాసరావు పాల్గొన్నారు. ఈ సందర్భంగా కలెక్టర్ ఢిల్లీ రావు మాట్లాడుతూ.. నన్నయ్య మహాభారతాన్ని రచించిన రోజు, రాజరాజనరేంద్రునికి పట్టాభిషేకం చేసిన రోజు ఈరోజు అని అన్నారు. వెయ్యేళ్లు అయిన సందర్భంగా వెయ్యి మంది విద్యార్థులతో శోభాయాత్ర నిర్వహించడం గొప్ప విషయమని చెప్పుకొచ్చారు. మహాభారత పల్లకి, గ్రంధాల సమర్పణ ద్వారా నేటి తరం కూడా తెలుసుకునే అవకాశం ఉంటుందన్నారు. మహాభారతం గ్రంధాన్ని ప్రతిఒక్కరూ చదవాలని, నన్నయ్య, రాజరాజనరేంద్రుని గొప్పతనం గురించి తెలుసుకోవాలని అన్నారు. సాయంత్రం జరిగే సభకు మాజీ ఉప రాష్ట్రపతి వెంకయ్య నాయుడు అతిధిగా వస్తున్నారని తెలిపారు.
|
|