ట్రెండింగ్
గ్రూప్ 1, గ్రూప్ 2 పోస్టుల భర్తీకి ఉత్తర్వులు జారీ చేసిన ఏపీ సర్కార్
Andhra Pradesh Telugu | Suryaa Desk | Published : Mon, Aug 28, 2023, 09:57 PM
ఏపీ సర్కార్ నిరుద్యోగులకు శుభవార్త తెలిపింది. గ్రూప్ 1, గ్రూప్ 2 పోస్టుల భర్తీకి వైసీపీ సర్కార్ ఉత్తర్వులు జారీ అయ్యాయి. 597 పోస్టుల భర్తీకి అనుమతిస్తూ ప్రభుత్వం ఉత్తర్వులు జారీ చేసింది. ఏపీపీఎస్సీ ద్వారా వీటిని భర్తీ చేయనున్నారు. ఈ మేరకు గ్రూప్ 1లో 89 పోస్టులు, గ్రూప్ 2లో 508 పోస్టులను భర్తీ చేయనున్నారు. గ్రూప్ 1 కేటగిరీలో డిప్యూటీ కలెక్టర్లు, డీఎస్పీ కేటగిరీ-II, అసిస్టెంట్ కమిషనర్ (ఎస్టీ), అసిస్టెంట్ ట్రెజరీ ఆఫీసర్ పోస్టులతో సహా పలు ఉద్యోగాలకు ఉత్తర్వులు జారీ అయ్యాయి. గ్రూప్ 2 కేటగిరీ కింద డిప్యూటీ తహసీల్దార్లు, అసిస్టెంట్ సెక్షన్ అఫీసర్, ఎక్సైజ్ సబ్ ఇన్స్‌పెక్టర్, మున్సిపల్ కమిషనర్ గ్రేడ్ III, సబ్ రిజిస్ట్రార్ గ్రేడ్ IIతో సహా పలు ఉద్యోగాలు భర్తీ చేసేందుకు అనుమతి మంజూరు అయింది.
|
|