పెట్రోలింగ్ వాహనం వద్ద పోలీస్ ముద్దులు, హగ్గులు

విధి నిర్వహణలో ఓన్న పోలీస్ అధికారి.. రోడ్డుపై ఓ మహిళకు ముద్దుపెట్టుకుని.. తన అధికారిక వాహనంలో ఆమెను ఎక్కించుకుని వెళ్లాడు. దీనికి సంబంధించిన వీడియో వైరల్ కావడంతో ఉన్నతాధికారులు తీవ్రంగా స్పందించి.. అతడ్ని విధుల నుంచి తప్పించారు. ఈ ఘటన అమెరికాలోని మేరీల్యాండ్ రాష్ట్రం ప్రిన్స్ జార్జ్ కౌంటీలో చోటుచేసుకోగా.. ఆ పోలీస్ అధికారిని ఫ్రాన్సిస్కో మార్లెట్‌గా గుర్తించారు. ఓ పార్క్ సమీపంలో మహిళను ముద్దుపెట్టుకుని.. పోలీస్ వాహనం వెనక సీటులోకి ఆమెతో సహా వెళ్లి డోర్ వేసుకోవడాన్ని అక్కడున్నవారు వీడియో తీసి.. సోషల్ మీడియాలో షేర్ చేయడంతో వైరల్ అవుతోంది. యువతిని కారులోకి ఎక్కించిన తర్వాత లోపల ఇద్దరూ ఏం చేసారనేది తెలుసంటూ వీడియోపై నెటిజన్లు కామెంట్లు చేస్తున్నారు.

వీడియో తీసిన బాల్టిమోర్ బ్యానర్ అనే సంస్థకు చెందిన వ్యక్తి మాట్లాడుతూ.. పార్క్ నుంచి వెళ్లడానికి ముందు పోలీస్ అధికారి, ఆ మహిళ కారులోపల కనీసం 40 నిమిషాల పాటు ఉన్నారని చెప్పారు. ప్రిన్స్ జార్జ్ కౌంటీలోని ఆక్సన్ హిల్ హైస్కూల్ సమీపంలో కార్సన్ పార్క్ వద్ద ఈ ఘటన చోటుచేసుకుంది. దీనికి సంబంధించిన వీడియో.. టిక్‌టాక్ సహా సోషల్ మీడియా వేదికల్లో వైరల్ కావడంతో మార్లెట్‌ను అధికారులు సస్పెండ్ చేశారు. అయితే, ఆ మహిళతో అతడికి ఉన్న సంబంధం గురించి స్పష్టంగా తెలియదని పోలీసులు తెలిపారు.

అతడ్ని పోలీస్ బాధ్యతల నుంచి తప్పించామని, దర్యాప్తు కొనసాగుతోందని ప్రిన్స్ జార్జ్ కౌంటీ పోలీస్ విభాగం మంగళవారం ట్వీట్ చేసింది. అయితే, మార్లెట్‌కు ఇటువంటి వివాదాల్లో చిక్కుకోవడం కొత్తేంకాదు. గతంలో 2016లో తన మాజీ ప్రియురాలి కుమార్తెను కొట్టిందనే ఆరోపణలతో ఓ బాలికపై చేయిచేసుకుని, అధికార దుర్వినియోగానికి పాల్పడ్డాడు. దీంతో అతడ్ని వేతనం లేకుండా సస్పెండ్ చేశారు. గృహహింస ఆరోపణలు రావడంతో మే నెలలో ఆయనను నెల రోజుల పాటు సస్పెండ్ చేయడం గమనార్హం.