సీఎం జగన్తో గౌతమ్ అదానీ భేటీ,,,,ఏపీలో పెట్టుబడులపై చర్చ
Andhra Pradesh Telugu | Suryaa Desk | Published : Fri, Sep 29, 2023, 07:14 PM
అదానీ గ్రూప్ సంస్థల ఛైర్మన్ గౌతమ్ అదానీ ఏపీ ముఖ్యమంత్రి వైఎస్ జగన్తో భేటీ అయ్యారు. గురువారం సాయంత్రం అహ్మదాబాద్ నుంచి ప్రత్యేక విమానంలో గన్నవరం విమానాశ్రయానికి చేరుకున్న అదానీ.. అక్కడి నుంచి నేరుగా సీఎం క్యాంపు కార్యాలయానికి వెళ్లారు. పలు కీలక అంశాలపై సీఎం జగన్తో అదానీ చర్చించినట్లు తెలుస్తోంది. సాయంత్రం 6 గంటల సమయంలో తాడేపల్లిలోని సీఎం నివాసానికి చేరుకున్న ఆయన రెండు గంటలకుపైగా ముఖ్యమంత్రితో సమావేశమయ్యారు. ఈ భేటీ వివరాలను సీఎంవో కూడా వెల్లడించలేదు.
గౌతమ్ అదానీ సీఎం వైఎస్ జగన్మోహన్రెడ్డితో మర్యాద పూర్వకంగా భేటీ అయ్యారని చెబుతున్నారు. ఈ మేరకు అదానీ ఏపీ ముఖ్యమంత్రితో భేటీపై ట్వీట్ చేశారు. గంగవరం పోర్టుకు సంబంధించి వివిధ సమస్యల పరిష్కారానికి ప్రభుత్వం చర్యలు తీసుకోవడంపై సీఎం జగన్కు ధన్యవాదాలు తెలిపారు. వీరి మధ్య రాష్ట్రంలో అదానీ కంపెనీ పెట్టుబడులకు సంబంధించిన పలు అంశాలపై చర్చ జరిగినట్లు సమాచారం. ఈ మేరకు సీఎం జగన్తో జరిగిన చర్చల సారాంశంపై అదానీ తన ఎక్స్ (ట్విట్టర్)లో ట్వీట్ చేశారు. ఏపీలో అదానీ గ్రూప్స్ చేపట్టిన ప్రాజెక్టులు, గంగవరం పోర్ట్, విశాఖలో ఏర్పాటు చేసే డేటా సెంటర్ల గురించి చర్చించినట్లు తెలిపారు.
|
|