ట్రెండింగ్
వైఎస్ భాస్కర రెడ్డికి ఎస్కార్ట్ బెయిల్ పొడగింపు
Andhra Pradesh Telugu | Suryaa Desk | Published : Tue, Oct 10, 2023, 10:03 PM
మాజీ మంత్రి వైఎస్ వివేకానందరెడ్డి హత్య కేసులో కీలక పరిణామం చోటు చేసుకొంది. ఈ కేసులో నిందితుడు వైఎస్ భాస్కర రెడ్డికి ఎస్కార్ట్ బెయిల్‌ను సీబీఐ న్యాయస్థానం పొడిగించింది. తన బెయిల్ పిటిషన్ పొడిగించాలని ఆయన సీబీఐ కోర్టులో పిటిషన్ దాఖలు చేశారు. తాను కంటికి కాటరాక్ట్ ఆపరేషన్ చేయించుకున్నట్లు కోర్టుకు విన్నవించారు. వైద్యుల సూచన, తదుపరి చికిత్స కోసం తనకు ఇచ్చిన ఎస్కార్ట్ బెయిల్‌ను మరో రెండు నెలలు పొడిగించాలని తన పిటిషన్‌లో పేర్కొన్నారు. దీనిని విచారించిన న్యాయస్థానం నవంబర్ 1 వరకు ఎస్కార్ట్ బెయిల్‌ను పొడిగించింది.
|
|