నివాసంలోనే కుప్పకూలి ,,,,పుట్టపర్తి డీఎస్పీ వరప్రసాద్ కన్నుమూత
Andhra Pradesh Telugu | Suryaa Desk | Published : Fri, Dec 15, 2023, 07:23 PM
శ్రీ సత్యసాయి జిల్లా పుట్టపర్తి దిశా డీఎస్పీగా పనిచేస్తున్న కెవీఎన్ వరప్రసాద్ కన్నుమూశారు. సాయి ప్లాజా అపార్ట్మెంట్లో గుండెపోటుతో అక్కడికక్కడే కుప్పకూలిపోయారు. డాక్టర్ బీఆర్ అంబేద్కర్ కోనసీమ జిల్లా కొత్తపేట మండలం రాకుర్తివారిపల్లికి చెందిన వరప్రసాద్ 1991లో పోలీసుశాఖలో చేరారు. 2006లో సీఐగా పదోన్నతి పొంది కాకినాడ సీసీ క్రైమ్ బ్రాంచ్లో పనిచేశారు. 2014లో డీఎస్పీగా పదోన్నతి పొంది తిరుపతి పీటీసీలో పనిచేశారు. అక్కడి నుంచి రాజమహేంద్రవరం ఇంటిలిజెన్స్, ట్రాఫిక్లో పనిచేశారు. వరప్రసాద్ ఈ ఏడాది మేలో శ్రీసత్యసాయి జిల్లా పుట్టపర్తి దిశా డీఎస్పీగా బదిలీపై వచ్చారు. డీఎస్పీ భౌతికకాయానికి ఎస్పీతోపాటు పోలీసు అధికారులు, సిబ్బంది పూలమాలలు వేసి నివాళులర్పించారు. పోలీసుశాఖలో ఎంతో నిబద్ధతతో పనిచేస్తూ మంచిపేరు తెచ్చుకున్న డీఎస్పీ మృతిపై ఎస్పీ మాధవరెడ్డి సంతాపం వ్యక్తం చేశారు. డీఎస్పీ కుటుంబానికి అన్ని విధాలుగా అండగా ఉంటామన్నారు. స్వగ్రామంలో అంత్యక్రియలు నిర్వహించడానికి అన్ని ఏర్పాట్లు చేసినట్లు తెలిపారు. మృతుడికి భార్య స్వర్ణలత, కుమారుడు సూర్యతేజ, కుమార్తె శివాని ఉన్నారు. కుమారుడు ఎంబీఏ, కుమార్తె బీటెక్ చదువుతున్నారు.
|
|