వైఎస్ రాజారెడ్డి, ప్రియా అట్లూరి ప్రేమ పెళ్లి,,,ప్రియాకు చీరను బహూకరించిన విజయమ్మ

వైఎస్సార్టీపీ అధ్యక్షురాలు షర్మిల కుమారుడు వైఎస్ రాజారెడ్డి, ప్రియా అట్లూరి లవ్ స్టోరీ గురించి తెలిసిందే. ఈ జంట త్వరలోనే పెళ్లి పీటలు ఎక్కబోతున్నట్లు ప్రచారం జరుగుతోంది.. సోషల్ మీడియాలో కూడా ఫోటోలు వైరల్ అయ్యాయి. అయితే ప్రియా అట్లూరికి సంబంధించిన మరో ఫోటో కూడా సోషల్ మీడియాలో వైరల్ అవుతోంది. ఇప్పుడు వైఎస్ విజయమ్మ ప్రియాను కలిసిన ఫోటోతో పెళ్లి ఖాయమని చెబుతున్నారు. విజయమ్మ ప్రియాకి చీర పెట్టి, బంగారు గాజులు బహూకరించినట్లు ఆ ఫోటోను చూసి నెటిజన్లు కామెంట్స్ చేస్తున్నారు. ప్రియా విజయమ్మ కలవడంతో.. త్వరలోనే వీరి ఎంగేజ్‌మెంట్, వివాహం ఉంటుందని చర్చ జరుగుతోంది. అయితే ప్రియా విజయమ్మను ఎక్కడ కలిశారన్నది క్లారిటీ లేదు.. ఎప్పటి ఫోటో అన్నది కూడా వివరాలు తెలియాల్సి ఉంది.

తెలుగు రాష్ట్రాల్లో వైఎస్ రాజారెడ్డి, అట్లూరి ప్రియా ఫోటోలు వైరల్ కావడంతో.. అందరూ ప్రియాకు సంబంధించిన వివరాల గురించి ఆరా తీస్తున్నారు. అయితే ఆమె చట్నీస్ హోటల్స్ అధినేత అట్లూరి ప్రసాద్ మనవరాలని ప్రచారం జరిగిన సంగతి తెలిసిందే. కానీ ప్రియా అట్లూరి ప్రసాద్‌ మనవరాలు కాదని మరో వార్త కూడా వినిపిస్తోంది. ప్రియా అట్లూరి బ్రదర్ అనిల్ స్నేహితుడు.. అట్లూరి శ్రీనివాస్, మాధవి దంపతుల కుమార్తె అని చెబుతున్నారు. ఆయనకు అమెరికాలో కన్సల్టెన్సీ సంస్థ ఉందని.. అక్కడ వ్యాపారాలు చేస్తున్నట్లు చెబుతున్నారు. అలాగే బ్రదర్ అనిల్‌కు సంబంధించిన వ్యాపార లావాదేవీలు కూడా చూస్తున్నారనే ప్రచారం జరుగుతోంది. అంతేకాదు మరో ప్రచారం కూడా జరుగుతోంది.. హైదరాబాద్ జీడిమెట్ల బస్ డిపో సమీపంలో శ్రీ ప్రియ మెస్ యజమానులు ప్రియా మేనమామలని కొందరు చెబుతున్నారు. అయితే ప్రియా కుటుంబం మాత్రం అమెరికాలోనే సెటిల్ అయ్యిందంటున్నారు. బ్రదర్ అనిల్‌తో కూడా స్నేహం ఉందంటున్నారు.. ఇప్పుడు ఆ స్నేహాన్ని బంధుత్వంగా మార్చుకుంటున్నారనే టాక్ వినిపిస్తోంది. అయితే ఇప్పటి వరకు రాజారెడ్డి, ప్రియా ప్రేమ, పెళ్లి గురించి షర్మిల కుటుంబం నుంచి అధికారికంగా ఎలాంటి ప్రకటన రాలేదు.

రాజారెడ్డి, ప్రియాలు అమెరికాలో ఒకరికి ఒకరు పరిచయం అయ్యారు.. రాజారెడ్డి డ‌ల్లాస్ యూనివ‌ర్సిటీలో బ్యాచిల‌ర్ అండ్ బిజినెస్ అడ్మినిస్ట్రేష‌న్ కోర్సు కోసం వెళ్లారు. ఆ సమయంలోనే అతడికి ప్రియాతో పరిచయం ఏర్పడిందని.. వీరిద్దరు అమెరికాలో ఒకే చర్చికి కూడా వెళతారని చెబుతున్నారు.. నాలుగేళ్లుగా రాజారెడ్డి, ప్రియాలు ప్రేమించుకుంటున్నారట. ఇద్దరు తమ ప్రేమ విషయాన్ని పెద్దలకు చెప్పి పెళ్లికి ఒప్పించినట్లు తెలుస్తోంది. వచ్చే ఏడాది వివాహం జరిగే అవకాశం ఉందంటున్నారు.