నాని నీ పరిస్థితి చూసుకుంటే మంచిది
Andhra Pradesh Telugu | Suryaa Desk | Published : Thu, Dec 21, 2023, 10:58 PM
యువగళం విజయోత్సవ సభపై మాజీ మంత్రి కొడాలి నాని చేసిన వ్యాఖ్యలకు గుడివాడ టీడీపీ ఇన్ఛార్జ్ వెనిగండ్ల రాము కౌంటర్ ఇచ్చారు. కొడాలి నాని పొగరు దించి.. రాజకీయ సమాధి కడతామని హెచ్చరించారు. సీటు ఉందో లేదో తెలియని కొడాలి నాని... మేకపోతు గాంభీర్యం ప్రదర్శిస్తూ, తమ గురించి మాట్లాడుతున్నారు. యువగళం - నవశకం సభ విజయంతో వైసీపీ ఎమ్మెల్లో ఆందోళన ....తాడేపల్లి పిల్లిలో భయం బయట పడింది. ఈ సారి కోడలి నాని మబ్బులో ఎవ్వరూ పడరు. రాజకీయాల్లో గెలుపోటములు సహజం.... విజయమ్మ ఓడిపోలేదా?. దుర్మార్గులైన కొడాలి నాని, జగన్ రెడ్డి రోజులు లెక్క పెట్టు కోవాలి. నియోజక వర్గంలో రైతుల కష్టాలు పట్టవు, రోడ్ల దుస్థితి పట్టించుకోని వ్యక్తి రాష్ట్ర రాజకీయాలు మాట్లాడుతున్నారు. యువగళం - నవశకంకు వచ్చిన అశేష ప్రజానీకాన్ని చూసి వైసీపీ ఎమ్మెల్యే లు ఓటమికి మానసికంగా సిద్ధమైపోయారు అని వెనిగండ్ల రాము విమర్శించారు.
|
|