విజయవాడలో ట్రాక్ నిర్వహణ పనులు,,,,పలు రైళ్లు, మరికొన్ని దారి మళ్లించారు

ఏపీలో రైలు ప్రయాణికులకు ముఖ్యమైన గమనిక. రైల్వేశాఖ పలు రైళ్లను రద్దు చేయగా.. మరికొన్నింటిని దారి మళ్లించింది. విజయవాడ రైల్వే డివిజన్‌ పరిధిలో ట్రాక్‌ కారిడార్‌ పనులు నిర్వహి స్తున్న దృష్ట్యా.. ఈ నెల 29– ఫిబ్రవరి 25 వరకు గుంటూరు–విశాఖ (17239/17240), కాకినాడ పోర్టు–విశాఖ (172­67­/­17268), మచిలీపట్నం–విశాఖ (17219/17220), గుంటూరు–రాయగఢ్‌ (17243/ 17244), బిట్రగుంట–విజయవాడ (07977/ 07978) రైళ్లు రద్దయ్యాయి. బిట్రగుంట–చెన్నై సెంట్రల్‌ (17237/17238) రైళ్లు ఈ నెల 29 నుంచి ఫిబ్రవరి 2 వరకు, 5 నుంచి 9 వరకు, 12 నుంచి 16 వరకు, 19 నుంచి 23 వరకు రద్దు చేశారు.

ఈనెల 29 నుంచి విజయవాడ- విశాఖ మధ్య రాకపోకలు సాగించే పలు ఎక్స్‌ప్రెస్‌ రైళ్లను దారి మళ్లించారు. ధన్‌బాద్‌-అలెప్పీల మధ్య నడిచే బొకారో ఎక్స్‌ప్రెస్‌ (13351) రైలు ఈనెల 29నుంచి ఫిబ్రవరి 25 వరకూ నిడదవోలు, భీమవరం, గుడివాడల మీదు గా విజయవాడ చేరుతుంది. హతియా- బెంగుళూరుల మధ్య నడిచే ఎక్స్‌ప్రెస్ (12835)‌ రైలు ఈనె ల 30న, ఫిబ్రవరి 4,6,11,13,18,20,25 తేదీల్లో నిడదవోలు, భీమవరం, గుడివాడల మీదుగా విజ యవాడ చేరుతుంది. హతియా-బెంగు ళూరు మధ్య నడిచే ఎక్స్‌ప్రెస్‌ (18637) రైలు ఫిబ్రవరి 3,10,17,24 తేదీల్లో నిడదవోలు, భీమవరం, గుడివా డ మీదుగా విజయవాడకు చేరుతుంది.

హటియా-ఎర్నాకుళం మధ్య నడిచే ఎక్స్‌ప్రెస్‌ (22837) రైలు ఈనెల 29, ఫిబ్రవరి 5,12,19 తేదీల్లో నిడదవోలు, భీమవరం, గుడివాడల మీదుగా విజయవాడకు చేరుతుంది. టాటా-యశ్వంత్‌పూర్‌ మధ్య నడిచే ఎక్స్‌ప్రెస్‌ (18111) రైలు ఫిబ్రవరి 1,8,15,22 తేదీల్లో నిడద వోలు, భీమవరం, గుడివాడల మీదు గా విజయవాడకు చేరుతుంది. భావన గర్‌-కాకినాడ మధ్య నడిచే ఎక్స్‌ప్రెస్‌ (12756) రైలు ఫిబ్రవరి 3,10,12,19 తేదీల్లో విజయవాడ, గుడివాడ, భీమ వరంటౌన్‌ మీదుగా నిడదవోలు వెళుతుంది.

బెంగుళూరు-గౌహతి మధ్య నడిచే ఎక్స్‌ప్రెస్‌ (12509) రైలు ఈనెల 31, ఫిబ్రవరి 2,7,9,14,16,21,23 తేదీల్లో విజయవాడ, గుడివాడ, భీమవరం టౌన్‌ల మీదుగా నిడదవోలు చేరుతుంది. ముంబై-భువనేశ్వర్‌ల మధ్య నడిచే కోణార్క్‌ ఎక్స్‌ప్రెస్‌ (11019) ఈనెల 29,31, ఫిబ్రవరి 2,3,5,7,9,10,12, 14,16,17,19,21,23,24 తేదీల్లో విజయవాడ, గుడి వాడ, భీమవరం టౌన్‌ మీదుగా నిడదవోలు వెళుతుంది. వివరాలకు సమీపంలోని రైల్వేస్టేషన్‌ బుకింగ్‌ కార్యాలయ సిబ్బంది ద్వారా సమాచారాన్ని తెలుసుకోవచ్చు.

ఈ నెల 29– ఫిబ్రవరి 25 వరకు మచిలీపట్నం–విజయవాడ (07896/07769), నర్సాపూర్‌–విజయవాడ (07863), విజయవాడ–మచిలీపట్నం (07866), మచిలీపట్నం–విజయవాడ (07770), విజయవాడ–భీమవరం జంక్షన్‌ (07283), మచిలీపట్నం–విజయవాడ (07870), విజయవాడ–నర్సాపూర్‌ (07861) రైళ్లు రామవరప్పాడు నుంచి బయలుదేరి, తిరుగు ప్రయాణంలో కూడా ఈ స్టేషన్‌ వరకే నడవనున్నాయి.