ట్రంప్ను వెంటాడుతున్న నిరసనలు
international | Suryaa Desk | Published : Mon, Dec 24, 2018, 01:19 PM
వాషింగ్టన్: అమెరికా అధ్యక్షుడు ట్రంప్ వివాదాస్పద నిర్ణయాలపై నిరసన సెగలు తీవ్రమవుతున్నాయి. అఫ్ఘానిస్థాన్లోని 14 వేల మంది అమెరికా సైనికులను వచ్చే రెండు నెలల్లో సగానికి కుదించాలని నిర్ణయించడాన్ని వ్యతిరేకిస్తూ రక్షణమంత్రి మాటిస్ రాజీనామా చేసిన కొద్ది రోజులకే.. మరో కీలక అధికారి పదవి నుంచి వైదొలుగుతున్నట్లు ప్రకటించారు. సిరియా నుంచి సైన్యాన్ని పూర్తిగా ఉపసంహరించుకోవాలన్న నిర్ణయాన్ని నిరసిస్తూ.. ఐఎస్ వ్యతిరేక కూటమిలో అమెరికా ప్రతినిధిగా వ్యవహరిస్తున్న బ్రెట్ మెక్గుర్క్ తన పదవికి రాజీనామా చేశారు.
ఈ లేఖను అధ్యక్షుడు ట్రంప్కు పంపారు. ఉగ్రవాదులు పారిపోయి వేరే చోట తల దాచుకున్నారే తప్ప.. ఓడిపోలేదని లేఖలో పేర్కొన్నారు. సిరియా నుంచి అమెరికా బలగాలను వెనక్కు తీసుకోవాలనే అనాలోచిత నిర్ణయంతో ఐఎస్ ఉగ్రవాదులు మళ్లీ విజృంభించే ప్రమాదముందని హెచ్చరించారు. కాగా, సిరియాలో నరమేధానికి పాల్పడుతున్న ఉగ్రవాద సంస్థ ఐఎ్సపై విజయం సాధించామని ట్రంప్ కొద్ది రోజుల క్రితం ప్రకటించారు. ఇదే సమయంలో అమెరికా సైన్యాన్ని వెనక్కి తీసుకోనున్నట్లు తెలిపారు. దీనిని బ్రెట్ తీవ్రంగా వ్యతిరేకించారు. ఐఎ్సఎస్ ఓడిపోయిందనుకోవడం ‘తొందరపాటు’ నిర్ణయమని విమర్శించారు. అమెరికా బలగాలను వెనక్కు రప్పించాలని నిర్ణయించడం ‘అనాలోచిత చర్య’ అని హెచ్చరించారు.
|
|