2019 మే నెలలో పార్లమెంట్కి ఎన్నికలు జరుగనున్నాయని, అంతకుముందే స్థానిక ఎన్నికలు జరుపుతామని, ఇందువల్ల రాష్ట్రవ్యాప్తంగా అన్ని జిల్లాల ఎన్నికల అధికారులు ఎన్నికలకు సిద్ధంగా ఉండాలని మాలిక్ సూచించారు. ఇదిలా ఉండగా, 2016లో స్థానిక ఎన్నికల్లో పోటీ చేసేందుకు అభ్యర్థులు చెల్లించిన డిపాజిట్ను తిరిగివ్వాలని న్యాయస్థానం ఆదేశాలు జారీచేసింది. అయినప్పటికీ కొన్ని ప్రాంతాల్లో అభ్యర్థులు డిపాజిట్ నగదు అందలేదు. దీంతో పలువురు అభ్యర్థులు కోర్టులో పిటీషన్ దాఖలు చేశారు. అందువల్ల డిపాజిట్ నగదు చెల్లించిన అభ్యర్థులందరికీ నగదు తిరిగి చెల్లించనున్నట్టు ఎన్నికల కమిషనర్ తెలిపారు.
ట్రెండింగ్
పార్లమెంట్ ఎన్నికల ముందే ‘స్థానికం’: ఈసీ
national | Suryaa Desk | Published : Mon, Dec 24, 2018, 01:49 PM
చెన్నై: వచ్చే ఏడాది జరుగనున్న పార్లమెంట్ ఎన్నికలకు ముందే రాష్ట్రంలోని స్థానిక సంస్థలకు ఎన్నికలు నిర్వహించాలని తమిళనాడు రాష్ట్ర ఎన్నికల సంఘం (ఈసీ) నిర్ణయించింది. ఈ మేరకు రాష్ట్ర ఎన్నికల ప్రధాన కమిషనర్ మాలిక్ ఫిరోజ్ఖాన్ వెల్లడించారు. స్థానిక ఎన్నికలకు సంబంధించి జరిగిన సమాలోచన సమావేశంలో ఆయన పాల్గొని, ఎన్నికల అధికారులకు పలు సూచనలు ఇచ్చారు. ఆ సందర్భంగా ఆయన విలేకరులతో మాట్లాడుతూ.. స్థానిక ఎన్నికలు త్వరలో నిర్వహించేందుకు రాష్ట్ర ప్రభుత్వం ప్రణాళికలు సిద్ధం చేస్తోందని, అందుకు సంబంధించిన ముందస్తు ఏర్పాట్లను ఈసీ చేపడుతుందని చెప్పారు.
|
|