ట్రెండింగ్
ఈ నెల 6 నుంచి చంద్రబాబు ఎన్నికల ప్రచార సభలు
Andhra Pradesh Telugu | Suryaa Desk | Published : Sat, Mar 02, 2024, 11:49 AM
ప్రజాగళం పేరుతో ఈ నెల 6 నుంచి టీడీపీ అధినేత చంద్రబాబు ఎన్నికల ప్రచార సభలు నిర్వహించనున్నారు. ఈ నెల 4న రాప్తాడు లో ‘రా కదిలి రా’ బహిరంగ సభను నిర్వహించనున్నారు. రాప్తాడు సభతో అన్ని పార్లమెంట్ స్థానాల్లోనూ ‘రా కదలి రా ’ బహిరంగ సభలు పూర్తికానున్నాయి. ఈ నెల 6వ తేదీ నుంచి 10వ తేదీ వరకూ ప్రజాగళం సభల షెడ్యూల్ ఖరారు కానుంది. రోజుకు రెండు నియోజకవర్గాల్లో ప్రజాగళం సభలు నిర్వహించనున్నారు. 6న నంద్యాల, మైదుకూరు, 7న వేమూరు, పామర్రు, 8న పలాస, పాడేరుల్లో ప్రజాగళం బహిరంగ సభలు జరగనున్నాయి. 9న రామచంద్రాపురం, ప్రత్తిపాడు, 10న మార్కా పురం, ఉదయగిరి నియోజకవర్గాల్లో చంద్రబాబు ప్రజాగళం ప్రచార సభలు నిర్వహించనున్నారు.
|
|