ట్రెండింగ్
ఎమ్మెల్సీ శివరామిరెడ్డి పరామర్శించిన సీఎం జగన్
Andhra Pradesh Telugu | Suryaa Desk | Published : Thu, Mar 14, 2024, 04:30 PM
ఎమ్మెల్సీ, శాసనమండలి ప్రివిలేజ్‌ కమిటీ చైర్మన్‌ వై.శివరామిరెడ్డి మాతృమూర్తి వై.లలితమ్మ (86) బుధవారం క‌న్నుమూశారు. లలితమ్మ మృతి పట్ల సీఎం వైయస్ జగన్ విచారం వ్యక్తం చేశారు. గురువారం బనగానపల్లి సభ అనంతరం అనంతపురం జిల్లా గుంతకల్లు నియోజకవర్గంలోని వజ్రకరూరు మండలం కొనకొండ్ల గ్రామంలో రాంపురంరెడ్డి సోదరుల మాతృమూర్తి ఎల్లారెడ్డి లలితమ్మ అంత్యక్రియల్లో ముఖ్యమంత్రి పాల్గొన‌నున్నారు. మధ్యాహ్నం 2 గంటలకు కొనకొండ్ల చేరుకుని ఎమ్మెల్సీ శివరామిరెడ్డి నివాసంలో ఆయన మాతృమూర్తి లలితమ్మ అంతిమసంస్కార కార్యక్రమంలో పాల్గొన్న అనంతరం సాయంత్రం తాడేపల్లి చేరుకుంటారు. (ఆదోని, మంత్రాలయం, గుంతకల్లు ఎమ్మెల్యేలు సాయిప్రసాద్‌ రెడ్డి, బాలనాగిరెడ్డి, వెంకట్రామిరెడ్డి, ఎమ్మెల్సీ శివరామిరెడ్డి, టీటీడీ బోర్డు సభ్యుడు సీతారామిరెడ్డి లలితమ్మ కుమారులు).
|
|