కనీసం ఒక్క తాగునీటి ప్రాజెక్ట్ అయిన తెప్పించావా..?
Andhra Pradesh Telugu | Suryaa Desk | Published : Wed, Apr 03, 2024, 12:35 PM
గడిచిన ఐదేళ్లు ప్రజలకు అందుబాటులో ఉన్నావా... కనీసం కరోనా సమయంలో కనిపించావా అని వైయ‌స్ఆర్‌ కాంగ్రెస్ పార్టీ ఉరవకొండ ఎమ్మెల్యే అభ్యర్థి వై. విశ్వేశ్వరరెడ్డి...టీడీపీ అభ్యర్థి పయ్యావుల కేశవ్ ను ఉద్దేశించి ప్రశ్నించారు. ఉరవకొండ వైయ‌స్ఆర్‌సీపీ కార్యాలయంలో పార్టీ నేతలతో కలిసి విశ్వేశ్వరరెడ్డి పయ్యావుల కేశవ్ పై తీవ్ర స్థాయిలో మండిపడ్డారు. ఐదేళ్లు కనిపించని పయ్యావుల కేశవ్ కు ఎన్నికలు అనగానే ఎక్కడలేని ప్రజా సమస్యలు గుర్తుకు వస్తున్నాయని ఎద్దేవా చేశారు. 2014 నుంచి 2019 వరకు టీడీపీ అధికారంలో ఉందని, అంతకుముందు రెండు సార్లు ఎమ్మెల్యేగా, ఒకసారి ఎమ్మెల్సీ విప్ గా,మరల ఇప్పుడు ఎమ్మెల్యే పీఏసీ చైర్మన్ గా ఉన్నావు మరి నీ 30 ఏళ్ల రాజకీయ జీవితంలో సాధించిన అభివృద్ధి ఏమిటో చెప్పాలన్నారు. కనీసం ఒక్క తాగునీటి ప్రాజెక్ట్ అయిన తెప్పించావా..? ప్రత్యేకంగా నిధులు మంజూరు చేయించిన పరిస్థితి ఉందా అని అడిగారు.
|
|