నేడు దర్శిలో టీడీపీ బహిరంగ సభ
Andhra Pradesh Telugu | Suryaa Desk | Published : Thu, Apr 04, 2024, 01:07 PM
ప్రకాశం జిల్లా, దర్శి పట్టణంలో టీడీపీ కూటమి ఆధ్వర్యంలో గురువారం సాయంత్రం నిర్వహించే బహిరంగ సభకు భారీ ఏర్పాట్లు చేస్తున్నారు. టీడీపీ కూటమి అభ్యర్థిగా డాక్టర్‌ గొట్టిపాటి లక్ష్మీని నియమించిన విషయం తెలిసిందే. ఆమె గురువారం ఎన్నికల ప్రచారానికి భారీ ఊరేగింపుతో రానున్నారు. తొలుత నరసరావుపేట నుంచి కుటుంబ సభ్యులతో బయలుదేరి కొటప్పకొండకు వెళ్లి త్రికోటేశ్వరస్వామిని దర్శించుకొని పూజలు చేస్తారు. అక్కడ నుంచి సింగరకొండ శ్రీ ప్రసన్నాంజనేయస్వామిని దర్శించుకొని పూజలు నిర్వహిస్తారు. అనంతరం దర్శి నియోజకవర్గంలోని శంఖరాపురం నుంచి ర్యాలీగా సాయంత్రం 4గంటలకు దర్శికి చేరుకుంటారు. ఈ సందర్భంగా యువత భారీ మోటార్‌సైకిల్‌ ర్యాలీ నిర్వహిస్తున్నారు. దర్శిలో జరిగే బహిరంగ సభలో డాక్టర్‌ గొట్టిపాటి లక్ష్మీతో పాటు ఒంగోలు పార్లమెంట్‌ అభ్యర్థి మాగుంట శ్రీనివాసులరెడ్డి, టీడీపీ జిల్లా అధ్యక్షుడు నూకసాని బాలాజీ, అద్దంకి, ఒంగోలు, కొండపి అసెంబ్లీ అభ్యర్ధులు గొట్టిపాటి రవికుమార్‌, దామచర్ల జనార్దన్‌, డాక్టర్‌ డోలా బాలవీరాంజనేయస్వామి, మాజీ ఎమ్మెల్యే నారపుశెట్టి పాపారావు, రాష్ట్ర తెలుగు రైతు అధ్యక్షుడు మర్రెడ్డి శ్రీనివాసరెడ్డి, జిల్లా జనసేన పార్టీ అధ్యక్షుడు షేక్‌ రియాజ్‌, దర్శి నియోజకవర్గ జనసేన పార్టీ ఇన్‌చార్జి బొటుకు రమే్‌షబాబు, జనసేన నాయకుడు గరికపాటి వెంకట్‌, బీజేపీ ఇన్‌చార్జి మాడపాకుల శ్రీనివాసులు తదితరులు పాల్గొంటారని టీడీపీ నాయకుడు డాక్టర్‌ కడియాల లలిత్‌సాగర్‌ చెప్పారు.
|
|